The news is by your side.

Advertisement

بنگلہ دیش کا ’ریویو‘ مذاق بن گیا

کیویز کےخلاف پہلے ٹیسٹ میچ کے دوران بنگلہ دیش کی جانب سے لیا گیا ریویو سوشل میڈیا پر مذاق بن گیا۔

جدید کرکٹ میں بیٹرز کو پویلین کی راہ دکھانے کے لیے فیلڈ امپائر کے فیصلے کے خلاف ریویو لینا عام بات ہے لیکن ماؤنٹ ماگنوانی میں کھیلے جارہے ٹیسٹ میچ کے دوران ایک انوکھا ریویو لیا گیا جس نے کمنٹیٹرز کو بھی قہقہے لگانے پر مجبور کردیا

ہوا کچھ یوں کہ جب بنگلہ دیشی بولر تسکین احمد کی کرائی گیند نے کیوی بلے باز راس ٹیلر کے بیٹ پر لگی لیکن مہمان ٹیم نے جلد بازی کا مظاہرہ کرتے ہوئے ریویو لے لیا۔

صاف دکھائی دے رہا تھا کہ تسکین احمد کی جانب سے پھینکی گئی گیند نے پہلے راس ٹیلر کے بلے کو چھوا جس پر بنگلہ کھلاڑیوں نے زبردست اپیل کی لیکن فیلڈ امپائر کی جانب سے اپیل مسترد ہونے پر کھلاڑیوں نے باہمی مشورے سے ریویو لے لیا۔

بنگال ٹائیگرز کی جانب سے حیرت انگیز ریویو لینے پر کمنٹیٹر بھی زور زور سے ہنسنے لگے جب کہ راس ٹیلر بھی مسکرا دیے

سوشل میڈیا صارفین بھی اس ریویو کا خوب مذاق بنا رہے ہیں اور اسے کرکٹ کی تاریخ کا بدترین ریویو بھی قرار دیا جا رہا ہے، صارفین اپنے اپنے انداز میں مضحکہ خیز ریویو پر ردعمل کا اظہار کر رہے ہیں۔

Comments

یہ بھی پڑھیں