ٹیکساس:امریکی ریاست ٹیکساس کی اسمبلی میں سندھی ثقافت کی قرارداد منظور کی گئی ہے۔
تفصیلات کے مطابق امریکی ریاست ٹیکساس کی اسمبلی میں سندھی ثقافت کی قرارداد منظور کی گئی ، پاکستانی نژاد رکن ٹیکساس اسمبلی ڈاکٹر سلیمان لالانی نے ایوان میں قرارداد پیش کی۔
اس موقع پر ہیوسٹن میں تعینات پاکستانی قونصل جنرل آفتاب چوہدری سمیت کمیونٹی کی نمایاں شخصیات بھی مہمانوں کی گیلری میں موجود تھیں۔
ڈاکٹرسلیمان لالانی نے ریاستی وزرا سمیت عہدے داران اور ارکان اسمبلی کو اجرک کا تحفہ بھی پیش کیا، ان کا کہنا تھا کہ یہ دن منانے کا مقصد ثقافتی ہم آہنگی کو فروغ دینا ہے۔
