The news is by your side.

Advertisement

تیزگام ٹرین حادثہ شارٹ سرکٹ کے باعث ہوا

لاہور: تیز گام ٹرین حادثے کی انکوائری رپورٹ میں بتایا گیا کہ حادثہ گیس سلنڈر پھٹنے سے نہیں شارٹ سرکٹ سے ہوا۔

تفصیلات کے مطابق گزشتہ سال 30 اکتوبر کو ہونے والے تیز گام ٹرین حادثے کی انکوائری رپورٹ جاری کر دی گئی جس میں بتایا گیا کہ آتشزدگی کی وجہ سلنڈر دھماکہ نہیں بلکہ شارٹ سرکٹ ہے۔

رپورٹ میں بتایا گیا کہ آگ کچن میں الیکٹریکل کیٹل کی وائرنگ میں شارٹ سرکٹ کی وجہ سے لگی، بوگی نمبر12میں بجلی بوگی نمبر11 سےغیرقانونی طور پرلی گئی تھی، آگ نے بوگی نمبر12 کی تمام وائرنگ کو اپنی لپیٹ میں لے لیا، آگ لگنے سے پوری بوگی میں دھواں بھر گیا۔

انکوائری رپورٹ کے مطابق ڈپٹی ڈی ایس، کمرشل آفیسر،ایس ایچ او، ڈائننگ کار ٹھیکیدار، ویٹرز، ہیڈکانسٹیبل، کانسٹیبل، ریزرویشن اسٹاف کو حادثے کا ذمے دار قرار دیا گیا، رپورٹ میں درج تمام ذمہ داروں کو پہلے ہی عہدے سے ہٹایا جا چکا ہے۔

یاد رہے کہ 30 اکتوبر 2019 کو کراچی سے راولپنڈی جانے والی تیز گام ایکسپریس میں پنجاب کے علاقے لیاقت پور کے قریب گیس سلینڈر پھٹنے سے آتشزدگی کے باعث 75 افراد جاں بحق اور متعدد مسافر زخمی ہوگئے تھے۔

تیزگام ایکسپریس کو حادثہ صبح چھ بجکر پندرہ منٹ پر پنجاب کے ضلع رحیم یار خان کی تحصیل لیاقت پور میں چنی گوٹھ کے نزدیک چک نمبر 6 کے تانوری اسٹیشن پر پیش آیا تھا۔

fb-share-icon0
Tweet 20

Comments

comments

یہ بھی پڑھیں