تھائی لینڈ میں آسمانی بجلی گرنے سے فٹبالر موقع پر ہی دم توڑ گیا۔
تھائی لینڈ میں فٹ بال کے سیمی فائنل کے دوران آسمانی بجلی گرنے سے ایک کھلاڑی سوفوان آوائے موقع پر ہی ہلاک ہوگیا جس کی ویڈیو بھی سوشل میڈیا پر گردش کررہی ہے۔
جنوبی تھائی لینڈ کے شہر میں ساتھی فٹ بالر آسمانی بجلی کی زد میں آنے والے کھلاڑی کی مدد کے لیے پہنچے لیکن وہ جانبر نہ ہوسکے۔
سوشل میڈیا پر زیر گردش وڈیو میں کئی کھلاڑیوں کے قریب اچانک آسمانی بجلی گرنے اور زور دار دھماکے کی آواز دیکھی اور سنی جاسکتی ہے۔
🇹🇭 Horrifying moment from Thailand when a freak lightning strike kills a football player and injures 12 others during a match pic.twitter.com/lAwYJxhtUo
— Visegrád 24 (@visegrad24) August 5, 2026
حادثے 12 فٹبالر زخمی بھی ہوئے ہیں جن میں ایک ملائیشین کھلاڑی بھی شامل ہے۔
سوفوان آوائے سیمکولٹس ٹیم کی نمائندگی کر رہے تھے اور حال ہی میں تھائی لینڈ کے تھرڈ ڈویژن کلب یالا ایف سی سے معاہدہ کیا تھا۔
کلب نے ان کے انتقال پر گہرے دکھ کا اظہار کرتے ہوئے اہل خانہ سے تعزیت کی ہے۔
