کراچی:پاکستان میں گیارہ سال بعد ہونے والی ایشین ٹور اوپن گالف چیمپئن شپ تھائی گالفر تیراوت کاوسری بینڈت نے جیت لی۔
تفصیلات کے مطابق کراچی گالف کلب میں شاندار میگا ایونٹ کا انعقاد کیا گیا، تھائی گالفر تیراوت کاوسری بینڈت نے عمدہ کارکردی کا مظاہرہ کرتے ہوئے ایشین ٹور گالف چیمپئن شپ کا ٹائٹل اپنے نام کرلیا۔
چیف آف دی نیول اسٹاف ایڈمرل ظفر محمود عباسی نے انعامات تقسیم کیے۔
کراچی گالف کلب میں ہونے والی سی این ایس ایشین ٹور اوپن گالف چیمپیئن کے آخری روز بھی پاکستانی اور تھائی گالفرز کے درمیان کانٹے کا مقابلہ رہا، دلچسپ مقابلے کےبعد بارہ انڈر پار اسکور کے ساتھ تھائی گالفر تیراوت نے ایشین ٹور کا ٹائٹل جیت لیا۔
دوسری اور تیسری پوزیشن بھی تھائی گالفرز کے نام رہی، پاکستان کے محمد منیر چوتھے نمبر پر آئے، چار روزہ ایونٹ میں اٹھارہ ممالک کے گالفرز نے شرکت کی۔
اختتامی تقریب کے مہمان خصوصی چیف آف دی نیول اسٹاف ایڈمرل ظفر محمود عباسی نے کھلاڑیوں میں انعامات تقسیم کیے۔
بین الاقوامی گالفرز نے پاک بحریہ اور پاکستان گالف فیڈریشن کی کاوشوں کو سراہا، گیارہ سال بعد پاکستان میں ایشین ٹور ایونٹ کا ہونا خوش آئند قرار دیا جارہا ہے۔
کراچی گالف کلب کھیلے جانے والے ایشین ٹور اوپن گالف چیمپیئن شپ میں پاکستان سمیت اٹھارہ ممالک کے ایک سو بیس گالفرز مختلف کیٹیگری کے مقابلوں میں حصہ لیا۔
میگا ایونٹ کی انعامی رقم تین لاکھ ڈالر تھی، بھارت کے پروفیشنل گالفروجے سنگھ، ہنی بسیوا اور چراغ کمار بھی ایکشن میں دکھائی دیے۔
