The news is by your side.

Advertisement

تھائی لینڈ نے 17 پاکستانی قیدیوں کو رہا کردیا

اسلام آباد : تھائی لینڈ نے کلونگ پرین جیل سے 17 پاکستانی قیدیوں کو رہا کردیا اور پاکستانی سفاتخانے کے حوالے کردیا،قیدیوں کو آج رات اسلام آباد ایئرپورٹ لایا جائے گا۔

تفصیلات کے مطابق موجودہ حکومت نے ایک اور احسن اقدام اٹھاتے ہوئے تھائی لینڈ کے ساتھ بائے لیٹرل ٹیریٹی ایگریمنٹ بحال کردیا، بائے لیٹرل ٹیریٹی ایگریمنٹ کی بحالی کے بعد تھائی لینڈ کی کلونگ پرین جیل میں قید 17 قیدی پاکستان کے حوالے کردیئے۔

قیدی تھائی لینڈ میں پاکستانی سفاتخانے کے حوالے کردیئے گئے، قیدی حوالے کرنے کی تقریب میں پاکستانی سفارتخانہ کے حکام ،تھائی لینڈ کے محکمہ ایمیگریشن کے افسران شریک تھے۔

ایف آئی اے کا 3رکنی عملہ قیدیوں کو پاکستان لانے کیلئے بینکاک ایئرپورٹ پہنچ گیا ہے ، قیدیوں کو آج رات نجی ایئرلائن سے پاکستانی وقت کے مطابق 10بجے اسلام آباد ایئرپورٹ لایا جائے گا۔

واضح رہے کہ تھائی لینڈ سے بائے لیٹرل ٹیریٹی ایگریمنٹ 2015سے معطل تھا۔

یاد رہے رواں سال جون میں وزیراعظم عمران خان نے بیرون ملک قید پاکستانیوں کی رہائی پر وزارت خارجہ کو ٹاسک سونپتے ہوئے دنیا بھر میں قید پاکستانیوں کی تفصیلات طلب کیں تھیں۔

Comments

comments

یہ بھی پڑھیں