صدارتی امیدوار نامزد کرنے پرآصف زرداری کا مشکور ہوں، اعتزاز احسن aitizaz-ahsan
The news is by your side.

Advertisement

صدارتی امیدوار نامزد کرنے پرآصف زرداری کا شکرگزار ہوں، اعتزاز احسن

کراچی : پیپلز پارٹی رہنما اعتزاز احسن نے کہا ہے کہ بھٹو کی ایک آواز پر عوام کھڑے ہوجاتے تھے، وہ بہادر لیڈر تھے، ذوالفقار علی بھٹو نے پھانسی قبول کرلی مگر جھکے نہیں۔

تفصیلات کے مطابق صدر مملکت صدارتی انتخابات کے لیے پیپلز پارٹی کے نامزر امیدوار اعتزاز احسن نے کہا ہے کہ شہید ذوالفقار علی بھٹو نے جدید سیاست کی بنیاد رکھی اور پاکستان میں عوامی سیاست کی بنیاد رکھنے والے بھی ذوالفقار بھٹو ہیں۔

پیپلز پارٹی کے نامزد امیدوار اعتزاز احسن نے کہا ہے کہ بھٹو کی ایک آواز پر عوام کھڑے ہوجاتے تھے، وہ بہادر لیڈر تھے، صدارتی امیدوار نامزد کرنے پر پی پی پی کے شریک چیئرمین آصف زرداری کا شکر گزار ہوں۔

پیپلز پارٹی رہنما کا کہنا ہے کہ ذوالفقار علی بھٹو نے پھانسی قبول کرلی مگر جھکے نہیں، ذوالفقار بھٹو کے مشن کو شہید بینظیر بھٹو نے آگے بڑھایا۔

یاد رہے کہ ایک روز قبل اے آر وائی نیوز کے پروگرام پاور پلے میں اعتزاز احسن نے گفتگو کرتے ہوئے کہا تھا کہ’مولانا فضل الرحمان کے حق میں دست بردار ہونا ناممکن ہے‘۔

ان کا کہنا تھا کہ مولانا فضل الرحمان اور ہماری سوچ میں بہت فرق ہے، ن لیگ کا مزاج مولانا صاحب کے مزاج سے مطابقت رکھتا ہے۔ مولانا کے لیے صدارتی عہدہ غیر موزوں ہے، صدر کے اختیارات اب بہت کم ہوگئے ہیں۔

اعتزاز احسن نے کہا کہ مولانا فضل الرحمان کے ساتھ ان کے بہت اچھے تعلقات ہیں، کہا ’میری ذات کے خلاف ن لیگ کی جانب سے ردِ عمل آنا شروع ہو گیا ہے‘ مولانا فضل الرحمٰن اور مسلم نواز ہم مزاج ہیں۔

Comments

comments

یہ بھی پڑھیں