The news is by your side.

غیرملکی ائیر لائن کا کارنامہ، وزیراعظم کے معاون خصوصی کا سامان غائب

غیر ملکی ایئر لائن کا کارنامہ منظر عام پر آگیا وزیراعظم شہباز شریف کے معاون خصوصی اور ترجمان پی پی فیصل کریم کنڈی کا سامان غائب ہوگیا۔

اے آر وائی نیوز کے مطابق وزیراعظم کے معاون خصوصی اور حکومتی اتحادی جماعت پاکستان پیپلز پارٹی کے ترجمان فیصل کریم کنڈی جو غیر ملکی ایئرلائن کی پرواز کے ذریعے اسلام آباد سے دبئی روانہ ہوئے تھے۔ منزل پر پہنچنے کے بعد ان کی حیرت کی انتہا نہ رہی جب دبئی کے انٹرنیشنل ایئرپورٹ پر انہیں اپنا سامان نہیں ملا۔

دبئی ایئرپورٹ پر اپنا بیگ نہ ملنے پر فیصل کریم کنڈی نے مذکورہ ایئرلائن پر غصے کا اظہار بھی کیا ہے۔

غیر ملکی ایئرلائن کے غیر ذمے دارانہ رویے پر وزیراعظم کے معاون خصوصی فیصل کریم کنڈی نے سماجی رابطوں کی ویب سائٹ ٹوئٹر پر بھی ردعمل کا اظہار کیا ہے۔

فیصل کریم کنڈی کا اپنے ٹوئٹ میں کہنا تھا کہ بیگ میں میرے اہم قیمتی دستاویزات ہیں۔ یہ ایئرلائن کا غیر پیشہ ورانہ اقدام ہے اور اب تک سامان کا نہ ملنا ایئر لائن کی سروس پر بھی سوالیہ نشان ہے۔

 

Comments

یہ بھی پڑھیں