The news is by your side.

Advertisement

اینیمیٹڈفلم ”دی ایڈمز فیملی“ 11 اکتوبر کو سینما گھروں کی زینت بنے گی

لاس اینجلس : اینیمیٹڈ فلم ”دی ایڈمز فیملی“ 11 اکتوبر کو سینما گھروں کی زینت بنے گی.

تفصیلات کے مطابق فلم اکتوبر کو سینما گھروں میں نمائش کیلئے پیش کی جائےگی،کونراڈ ورنن کی ہدایتکاری میں بننے والی یہ فلم چارلس ایڈمزکے مشہور کارٹون پر مبنی ہے جس کی کہانی ایڈمز نام کے ایک خاندان کے گرد گھومتی ہے۔

ان کا گھر جو کہ ایڈمز ہاؤس کہلاتا ہے ، ازخود اپنی جگہ ایک جائے حیرت ہے ۔ ایک ایسا گھر جہاں دھماکے ہوتے ہیں۔ اذیت رسانی کے عجیب و غریب آلات موجود ہیں اور آنکھوں کے نیچے سرمہ لگائے ایک ایسا عجیب و غریب خاندان رہتا ہے جس کا ہر فرد نرالا ہے، اور سب سے بڑھ کر ایک ’ ہاتھ ‘ ہے جو اپنی انگلیوں کو ٹانگوں کے طور پر استعمال کرکے پورے گھر میں منڈلاتا ہے۔

یہ ایک دل چسپ ، مزاحیہ اور منفرد کارٹون تھا اور اب ہالی وڈ میں اس پر فلم بنائی جارہی ہے جس کا کامیڈی اور تھرل سے بھرپور پہلا اینی میٹڈ ٹریلر جاری کردیا گیا ہے ۔کونراڈ ورنن کی ہدایتکاری میں بننے والی یہ فلم چارلس ایڈمزکے مشہور کارٹون پر مبنی ہے۔

غیر ملکی خبر رساں ادارے کا کہنا تھا کہ فلم میں اپنی آوازوں کا جادو جگانے والے فنکاروں میں آسکر ایساک،چارلز تھیرون،نک کرول،فن وولفہارڈ،ایلیسن جینے اور ایمی گارسیا سمیت دیگر شامل ہیں۔

Comments

comments

یہ بھی پڑھیں