The news is by your side.

Advertisement

وادی میں قابض بھارتی فوج کی بربریت، ایک اور کشمیری نوجوان شہید

سری نگر: مقبوضہ کشمیر میں بھارت کی ریاستی دہشت گردی تاحال برقرار ہے، وادی میں قابض بھارتی فوج نے ایک اور کشمیری نوجوان کو فائرنگ کرکے شہید کردیا۔

کشمیری میڈیا سروس کے مطابق پلواما کے علاقے اونتی پورہ میں بھارتی فورسز نے نام نہاد آپریشن میں ایک کشمیری شہید نوجوان کو شہید کردیا، اور گھروں میں گھس کر املاک کی توڑ پھوڑ کی۔

قابض بھارتی فورسز نے متعدد کشمیریوں کو اغوا کرکے اپنے ساتھ لے گئے۔

قابض فوج نے نام نہاد آپریشن کے نام پر ناصرف کشمیریوں کو شہید کیا بلکہ گھروں میں گھس کر توڑ پھوڑ بھی کی، بھارتی فورسز نے احتجاج کرنے والے متعدد کشمیریوں کو گرفتار کرلیا ہے۔

مقبوضہ کشمیر میں بھارتی فورسز کی فائرنگ، 4 کشمیری شہید

قابض بھارتی فوج نےنام نہاد سرچ آپریشن کے دوران کئی گھروں کو بھی مسمارکردیا، کشمیری عوام بڑی تعداد میں باہرنکل آئے، اور قابض بھارتی فوج کی کارروائیوں کے خلاف شدید احتجاج کیا، کئی مقامات پر بھارتی فورسز نے مظاہرین پر آنسو گیس اور لوہے کے چھروں کا استعمال کیا جس سے متعدد کشمیری زخمی ہوگئے۔

واضح رہے کہ دنیا بھر میں مہلک وباء کورونا وائرس سے نمٹنے کے لیے سر توڑ کوششیں جاری ہیں، اس دوران بیماری سے روکنے کے لیے ہر ملک دوسرے کے ساتھ بھرپور تعاون کر رہا ہے لیکن مودی حکومت نے کورونا وائرس کی وباء کے دوران بھی کشمیریوں پر ظلم کے پہاڑ توڑ رکھے ہیں۔

Comments

یہ بھی پڑھیں