بنکاک: تھائی لینڈ میں شاپنگ مال کو کروناوائرس سے محفوظ رکھنے کے لیے جدید ٹیکنالوجی کا سہارا لیا گیا ہے۔
غیرملکی خبررساں ادارے کی رپورٹ کے مطابق تھائی لینڈ میں قائم ایک شاپنگ مال انتظامیہ نے لفٹ سسٹم کو جدید ٹیکنالوجی کی مدد سے وبائی مرض سے محفوظ رکھنے کے لیے بہترین اقدام اٹھایا ہے۔
رپورٹ کے مطابق شاپنگ مال میں لفٹ بٹن کو پاؤں کے ذریعے استعمال کرنے کا موقع دیا گیا ہے تاکہ بغیر ہاتھ لگائے شہری لفٹ کی مدد سے اپنی مقررہ منزل تک پہنچ سکیں۔
A mall in Thailand has come up with the idea of a hand-free, foot-operated elevator pic.twitter.com/G092wCWvkg
— Reuters (@Reuters) May 29, 2020
حالیہ دنوں غیرملکی میڈیا پر ایسی خبریں بھی منظرعام پر آئی تھیں جس میں کہا گیا تھا کہ کئی ایسے شہری وبا کو شکار ہوئے جنہوں نے کسی عمارت یا شاپنگ مالز کا لفٹ استعمال کیا تھا۔
ماہرین کا کہنا ہے کہ کرونا مریض اگر کسی جگہ کو ہاتھ لگائے اور کوئی دوسرا شخص اسے چھولے تو کرونا اس میں بھی منتقل ہوسکتا ہے۔ اسی کے پیش نظر پاؤں کے ذریعے لفٹ کا استعمال یقینی بنایا جارہا ہے۔
ممکنہ طور پر مذکورہ سسٹم تھائی لینڈ کے دیگر شاپنگ مالز اور عمارتوں میں بھی نصب کیا جاسکتا ہے۔
