The news is by your side.

Advertisement

شراب کی اسمگلنگ کے خلاف بڑا آپریشن، 40 کروڑ روپے مالیت کی شراب برآمد

مکران: میری ٹائم سیکیورٹی ایجنسی نے شراب کی اسمگلنگ کے خلاف سب سے بڑا آپریشن کرکے 40 کروڑ روپے مالیت کی شراب برآمد کرلی۔

تفصیلات کے مطابق میری ئائم سیکیورٹی ایجنسی کی جانب سے یہ کارروائی مکران کے ساحل کے قریب کی گئی، لانچ پر چھاپہ مار کر 40کروڑ روپے مالیت کی شراب برآمد کی۔

ڈی جی میری ٹائم سیکیورٹی ریئرل ایڈمرل محمد ذکاالرحمان کا کہنا ہے کہ پی ایم ایس اے نے دس اور ۱۱ مارچ کی درمیانی شب خفیہ اطلاع پر گلف پورٹ سے مکران کوسٹ پہنچنے والی لانچ کو قبضے میں لیا جس میں سے 65 ہزار سے زائدغیرملکی شراب کی بوتلیں اور بئیر کے کینز برآمد ہوئے۔

انہوں نے بتایا کہ کارروائی میں سات ملزمان کو گرفتار کیا گیا جن کا تعلق پاکستان سے ہی ہے، قانونی کارروائی کے لیے قبضے میں لی گئی شراب کو کسٹم کے حوالے کیا گیا ہے۔

دریں اثنا کلیٹر کسٹم پریوینٹو ڈاکٹر فرید کا کہنا تھا کہ شراب کی اسمگلنگ میں ملوث عناصر کے خلاف تحقیقات کی جائیں گی۔

پی ایم ایس اے حکام کا کہنا تھا کہ منشیات کی لعنت کے خاتمے اور سمندر میں ہر غیر قانونی سرگرمی کا قلع قمع کرنے کے لیے پاکستان میری ٹائم سکیورٹی ایجنسی پر عزم ہے۔

Comments

comments

یہ بھی پڑھیں