The news is by your side.

Advertisement

خون سفید ہوگیا، وحشی باپ کے ہاتھوں شیرخوار کا قتل

واشنگٹن: امریکا میں سفاک باپ نے اپنی 4 ماہ کی شیرخوار کو گاڑی سمیت دریا میں گرادیا جس کے باعث کمسن ہلاک ہوگئی، پولیس نے ملزم کو گرفتار کرلیا۔

غیرملکی خبررساں ادارے کی رپورٹ کے مطابق امریکی ریاست ٹیکساس میں دریا میں ڈوبی کار سے معصوم بچی کی لاش پرآمد ہوئی، بعد ازاں پولیس نے کارروائی کرتے ہوئے درندہ صفت باپ کو گرفتار کرلیا۔

رپورٹ کے مطابق ملزم کے خلاف اقدام قتل کا مقدمہ درج کرکے دیگر قانونی کارروائی اور تفتیش کا آغاز کردیا گیا ہے۔

پولیس کا کہنا ہے کہ ’لیرک‘ نامی بچی کی لاش گاڑی کی سیٹ پر پھول چکی تھی۔ واقعے کی خبر ملتے ہی ’جیرمی‘ نامی مبینہ قاتل باپ کی گرفتاری کے احکامات جاری کردیے گئے تھے۔

متعلقہ ادارے کے مطابق ملزم نے اپنی بیوی سے لڑائی کے بعد بچی کے قتل کا اقدام اٹھایا،مبینہ قاتل نے پہلے بیوی پر تشدد کیا اور گاڑی میں بیٹی کو بیٹھا کر باہر چلا گیا اور پھر بچی کی لاش گھر واپس آئی۔

Comments

یہ بھی پڑھیں