لاس اینجلس : ہالی ووڈ سائنس فکشن فلم’ٹرمینیٹر‘کے سیکوئل’ٹرمینیٹر دار فیٹ‘ نے ریلیز کے پہلے تین روز 12 کروڑ ڈالرز کا ریکارڈ بزنس کرکے باکس آفس پر تہلکہ مچاد دیا۔
تفصیلات کے مطابق ہالی ووڈ کی ایکشن فلم ٹرمینیٹر ڈارک فیٹ نے ریلیز کے پہلے تین دنوں میں عالمی باکس آفس پر 18 ارب سے زائد کما کر باقی تمام فلموں کو پیچھے چھوڑ دیا۔
غیر ملکی خبر رساں ادارے کا کہنا ہے کہ ساڑھے 18 کروڑ ڈالر کی لاگت سے تیار ہونے والی ایکشن سے بھرپور فلم ٹرمینیٹر کے سیکوئل نے عالمی باکس آفس پر12 کروڑتین لاکھ ڈالرز کا بزنس کیا ہے۔
میڈیا رپورٹس کے مطابق امریکی باکس آفس پربھی ایکشن سے بھر پور فلم نے نمبر ون کی پوزیشن حاصل کرلی، فلم کو امریکا کے چار ہزار سے زائد سنیما گھروں میں ریلیزکیا گیا۔
خیال رہے کہ ایڈونچر سے بھر پور سیریز کی پہلی فلم 1984 میں ریلیز ہوئی تھی۔
آرنلڈ اور لنڈا ہیملٹن کی ’ٹرمینٹر ٹو‘ میں واپسی
واضح رہے کہ سائنس فکشن فلم ٹرمینیٹر دار فیٹ میں ایک بار پھر سے آرنلڈ شوارزنیگر اور لِنڈا ہیملٹن نے اپنی صلاحیتوں کے جوہر دکھائے ہیں، ہدایت کار ایلن ٹیلر کی اس فلم کی کہانی گزشتہ فلموں کی طرح عظیم مشن انجام دیتے جدید روبوٹس کے گِرد گھوم رہی ہے۔