قاہرہ: مصر میں رخصتی کی رات سفاک دلہے نے اپنی دلہن کو عمارت کی دسویں منزل سے دھکا دے کر ہلاک کردیا۔
غیرملکی خبررساں ادارے کی رپورٹ کے مطابق یہ واقعہ مصر کے شہر سکندریہ میں پیش آیا۔ دلہے نے بلند وبالا عمارت کی 10ویں منزل سے بیوی کو گرا کر ہلاک کردیا۔
عینی شاہدین نے واقعے کی اطلاع پولیس کو دی جس کے فوری بعد ہی اہلکاروں کا ایک دستہ جائے وقوعہ پر پہنچا اور ملزم کو گرفتار کرلیا۔ دلہے نے ابتدائی تفتیش کے دوران اقرار جرم کرلیا۔
شادی کے روز دلہن قتل، دلہا اغوا
ملزم کا کہنا ہے کہ منگنی کے بعد سے ہی ہم دونوں کے درمیان نوک جھوک رہتی تھی جس کے باعث مجھے رخصتی کی رات غصہ آیا اور میں نے اپنی بیوی کو دسویں منزل سے نیچے پھینک دیا۔
دلہے نے بتایا کہ منگنی کے بعد سے ہی میری زندگی اجیرن ہوچکی تھی اور روزانہ کی بنیاد پر ہمارا جھگڑا ہوتا تھا جس کی وجہ سے شدید ذہنی دباؤ میں تھا، شادی کی رات میں طعش میں آگیا۔
پولیس نے لاش کو ایمبولینس کے ذریعے اسپتال کے سرد خانے میں منتقل کردیا۔ جبکہ ملزم پر فرد جرم عائد کرکے اسے جسمانی ریمانڈ پر جیل بھیج دیا گیا ہے۔
