تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

دلہن نے چاکلیٹ کے زیورات پہن لیے، کیا وجہ مہنگا سونا ہے؟

سوشل میڈیا پر ایک بھارتی دلہن کی چاکلیٹ کے زیورات پہنے ویڈیو وائرل ہوئی ہے جس نے سوال کھڑا کردیا ہے کہ کیا دلہن نے سونا مہنگا ہونے کی وجہ سے ایسا کیا؟

شادی کا دن کسی بھی لڑکی کے لیے ایک یادگار دن ہوتا ہے جس کے لیے اس نے برسوں خوش رنگ خواب دیکھ رکھے ہوتے ہیں اور لڑکیاں اپنی شادی کیلیے مہینوں پہلے تیاریاں شروع کردیتی ہیں جس میں خاص طور پر کپڑوں اور جیولری پر خصوصی توجہ دی جاتی ہے۔

سونے کے زیورات ہر لڑکی کی کمزوری ہوتے ہیں لیکن موجودہ دور میں سونے کی آسمان سے چھوتی قیمتوں نے اسے غریب کیا متوسط طبقے کی دسترس سے بھی باہر کردیا ہے جب کہ آرٹیفیشل زیورات بھی کافی مہنگے ہوگئے ہیں۔

مہنگائی کے اس عالمی سونامی کے دور میں ایک بھارتی دلہن کی ویڈیو تیزی سے سوشل میڈیا پر وائرل ہوئی ہے جس میں اس نے خود کو چاکلیٹ سے بنے زیور سے سجایا ہوا ہے۔ اس ویڈیو کے بعد یہ سوال گردش کر رہا ہے کہ کیا دلہن نے سونا اور آرٹیفیشل زیورات مہنگے ہونے کے باعث یہ انوکھا اقدام کیا یہ چاکلیٹ سے بے پناہ محبت اس کی وجہ بنی۔

وائرل ویڈیو میں دیکھا جا سکتا ہے کہ دلہن نے پیلے رنگ کا لباس زیب تن کر رکھا ہے جس سے وہ مایوں کی تیاری کرتی دلہن معلوم ہوتی ہے۔

 

دلہن کے بال چترا نامی میک اپ آرٹسٹ نے بنائے ہیں اور ان میں ٹافیاں اور چاکلیٹ کو بہت مہارت سے لگایا گیا ہے۔ دلہن نے جھومر، جھمکے اور گلے کا ہار بھی چاکلیٹ اور ٹافیوں سے بنا ہوا پہن رکھا ہے۔

اس نامعلوم بھارتی دلہن کی یہ دلچسپ ویڈیو انسٹاگرام پر شیئر کی گئی اور صارفین اسے بے حد پسند کر رہے ہیں۔ اب تک 60 لاکھ لوگ یہ ویڈیو دیکھ چکے ہیں جب کہ دو لاکھ افراد نے اسے پسندیدگی کی سند دے چکے ہیں۔

 

اس کے ساتھ ہی صارفین کی جانب سے اس پر اپنے اپنے مزاج کے مطابق تبصرے بھی کیے جا رہے ہیں۔ کسی نے اسے ذہانت اور تخلیقی صلاحیتوں کا اعلیٰ اظہار قرار دیا ہے تو کسی نے تنقیدی انداز اختیار کیا ہے۔

ایک صارف نے دلچسپ تبصرہ کیا اور لکھا کہ ’بچوں سے بچ کر‘ جبکہ ایک صارف نے کہا کہ بچپن میں ہم بالوں کو پھولوں سے بھرتے تھے لیکن چاکلیٹ یا ٹافی کا کبھی نہیں سوچا۔

Comments

- Advertisement -