برطانوی سفیر کا قبولِ اسلام اور حج کی سعادت -
The news is by your side.

Advertisement

برطانوی سفیر کا قبولِ اسلام اور حج کی سعادت

مکہ : سعودی عرب میں تعینات برطانوی سفیر سائمن کولِس نے اسلام قبول کرلیا اور ساتھ ہی مکہ مکرمہ میں حج بھی ادا کیا۔

تفصیلات کے مطابق سائمن نے اپنی اہلیہ ہدا موجارکیچ کے ہمراہ حج ادا کیا۔اور انہوں نے ’احرام‘ میں تصاویر بھی لیں۔

ان کی تصویر سماجی رابطے کی ویب سائٹ ٹوئٹر پر سعودی مصنف اور خاتون سماجی کارکن فوزیہ البکر نے اپنے پیغام میں لکھا کہ سائمن کولس نے اپنی اہلیہ ہدا کے ساتھ حج کیااور ’وہ حج ادا کرنے والے پہلے برطانوی سفیر ہیں۔‘

برطانوی سفیر کو حج کی ادائیگی پر مبارکباد دینے والے ٹوئٹر صارفین میں سعودی شہزادی بسمہ بنت سعود بھی شامل ہیں۔

لوگوں کی جانب سے نیک خواہشات اور مبارکباد کے جواب میں برطانوی سفیر نے لکھا’ مختصراً یہ کہ میں نے30 سال مسلمان معاشروں میں رہنے اور ہدا سے شادی کرنے سے پہلے اسلام قبول کر لیا ہے‘۔

خیال رہے کہ برطانوی سفیر سائمن کالِس سنہ 2015 سے سعودی عرب میں تعینات ہیں۔وہ وزارتِ خارجہ کی جانب سے شام،عراق اور قطر میں بھی سفیر سمیت مختلف عہدوں پر کام کرتے رہے ہیں۔

واضح رہے کہ انہوں نے تیونس، دہلی اور عمان میں بھی برطانوی قونصل جنرل کی حیثیت سے فرائض سرانجام دیے۔

Comments

comments

یہ بھی پڑھیں