لندن: برطانیہ کے وزیر اعظم بورس جانسن نے کرونا ویکسین کی دوسری خوراک لگوا لی۔
نمائندہ اے آر وائی نیوز کے مطابق وزیراعظم بورس جانسن نے برطانوی کمپنی کی تیار کردہ آسٹرا زینیکا ویکسین کی دوسری خوراک جمعرات کے روز لگوائی۔
بورس جانسن نے کرونا ویکسین کی پہلی خوراک مارچ میں لگوائی تھی۔
واضح رہے کہ برطانوی وزیر اعظم گزشتہ برس کرونا سے متاثر ہوئے تھے، جس کے بعد انہیں لندن کے اسپتال میں منتقل کیا گیا تھا۔کرونا کے باعث بورس جانسن کی طبیعت شدید ناساز بھی ہوگئی تھی۔
مزید پڑھیں: بورس جانسن نے سابق چیف ایڈوائزر نے حکومت برطانیہ پر سنگین الزامات لگادئیے
یہ بھی پڑھیں: برطانوی وزیراعظم نے خاموشی سے شادی کرلی
یاد رہے کہ برطانیہ میں اب تک 18 کروڑ 48 لاکھ 27 ہزار 214 شہریوں کے کرونا ٹیسٹ کیے جاچکے ہیں، جن میں سے 44 لاکھ 94 ہزار 699 کی رپورٹ مثبت آئی۔
برطانیہ میں کرونا سے مرنے والوں کی تعداد 1 لاکھ 27 ہزار 794 تک پہنچ گئی جبکہ اس وقت ایکٹیو کیسز کی تعداد 72 ہزار 928 ہے، اسی طرح سے صحت یاب ہونے والوں کی تعداد 42 لاکھ 93 ہزار 977 تک پہنچ گئی ہے۔
