The news is by your side.

Advertisement

بارش کا قہر، مسافروں سے بھری بس پانی میں بہہ جانے سے ہلاکتیں (کمزور دل افراد ویڈیو نہ دیکھیں)

نئی دہلی: بھارتی ریاست تلنگانہ میں شدید بارشوں نے تباہی مچادی، مسافروں سے بھری بس پانی میں بہہ جانے سے 4 افراد ہلاک ہوگئے۔

غیرملکی خبررساں ادارے کی رپورٹ کے مطابق تلنگانہ کے مختلف اضلاع میں موسلادھار بارش نے نظام زندگی درہم برہم کردیا ہے۔ ‘کاماریڈی’ اور ‘سدی پیٹ’ علاقوں کو جوڑنے والے پل سے بس پھسل کر ندی میں جاگری اور پانی کا بہاؤ اسے اپنے ساتھ لے لیا، اس واقعے میں چار افراد ہلاک اور کئی زخمی ہوگئے۔

رپورٹ میں بتایا گیا کہ بارش کے باعث ندی کا پانی بھر کر پل کی سطح پر آگیا تھا جبکہ پانی کے بہاؤ کو کم سمجھتے ہوئے بس ڈرائیور نے گاڑی پل سے گزارنے کی کوشش کی تو بس کا ایک ٹائر نیچے اترگیا جس کے بعد بس پانی کے بہاؤ میں بہہ گئی اس حادثہ کے وقت گاڑی میں 29 مسافر سوار تھے۔

اس حادثے کے دوران مقامی افراد کچھ مسافروں کو بچانے میں کامیاب بھی ہوئے۔

مذکورہ علاقے میں امدادی سرگرمیاں پیر کی شام سے رات تک جاری رہیں۔ حکام اور دیہاتیوں نے اپنی مدد آپ کے تحت بس نکالنے کی کوشش کی لیکن ناکام رہے۔

بعد ازاں پانی میں مزید اضافہ ہونے پر منگل کے روز سیلاب میں بس مکمل طور پر بہہ گئی۔

Comments

یہ بھی پڑھیں