ٹی ٹوئنٹی ورلڈکپ فاتح ٹیم کے کپتان جوز بٹلر نے عادل رشید کے اوور کو پاکستان کے خلاف فائنل کا ٹرننگ پوائنٹ قرار دے دیا۔
میچ کی اختتامی تقریب میں گفتگو کرتے ہوئے جوز بٹلر نے کہا کہ عادل رشید کے اوور نے میچ کا پانسہ پلٹا جب کہ بین اسٹوکس کا تجربہ کام آیا۔
انہوں نے کہا کہ اپنی ٹیم پر فخر ہے ہمارا آغاز اچھا تھا جس کی وجہ سے رن ریٹ قابو میں رہا۔ ان کا کہنا تھا کہ یہ ٹورنامنٹ ہمارےلیےبہترین رہا پاکستان کا دورہ ہمارے لیے بہت شاندار رہا۔
میچ کے اختتام تقریب میں گفتگو کرتے ہوئے پاکستان ٹیم بابراعظم نے شاہین آفریدی کے زخمی ہو کر میدان سے باہر جانے کو بڑا نقصان قرار دیا۔
انہوں نے کہا کہ ہم نے20رنزکم بنائے شاہین شاہ آفریدی کےانجرڈہونےسےنقصان ہوا۔
بولرز کی عمدہ کارکردگی کو سراہتے ہوئے بابراعظم نے کہا کہ بولرز نے چھوٹے ٹوٹل پر بھی زبردست فائٹ کی، بولرزنےشانداربولنگ کی۔
پاکستانی کپتان نے انگلینڈ کو ورلڈکپ جیتنے پر مبارکباد دیتے ہوئے کہا کہ عالمی چیمپئن بننے پر انگلش ٹیم کو مبارک ہو۔
