The news is by your side.

Advertisement

متنازعہ خبر کا معاملہ، چوہدری نثار نے خود کو تحقیقات سے الگ کرلیا

اسلام آباد: انگریزی اخبار میں شائع ہونے والی متنازع خبر کی انکوائری کے معاملے پر وفاقی وزیر داخلہ چوہدی نثار علی خان نے خود کو تحقیقات سے الگ رکھنے کا فیصلہ کرتے ہوئے انکوائری کے لیے حکومت کو تنہاء چھوڑ دیا۔

ذرائع کے مطابق ڈان نیوز میں شائع ہونے والی متنازعہ خبر میں سائرل نامی صحافی نے سویلین اور عسکری اداروں کے مابین ہونے والی میٹنگ کے درمیان ہونے والی بے بنیاد باتیں شائع کیں تھیں، جس کی تحقیقات کے لیے حکومت کی جانب سے کمیٹی بھی تشکیل دی گئی تھی تاہم وفاقی وزیر داخلہ نے خود کو اس انکوائری کے عمل سے علیحدہ کرلیا ہے۔

انکوائری کے عمل سے علیحدگی اختیار کرنے کے حوالے سےذرائع نے دعویٰ کیاکہ چوہدری نثار نے جب اس معاملے کی تحقیقات شروع کیں تو انہیں کچھ لوگوں کی جانب سے تضحیک کا نشانہ بنایا گیا اور اُن ہی لوگوں نے انکوائری کے معاملے میں مداخلت کی۔

ذرائع نے اس بات کی بھی تصدیق کی ہے کہ وفاقی وزیر داخلہ نے متنازعہ خبر کی تحقیقات سے خود کو الگ کرتے ہوئے معاملے سے علیحدگی اختیار کرلی ہے اور وہ جلد اپنے کیےگئے فیصلے کے حوالے سے وزیر اعظم کو  بھی آگاہ کردیں گے۔

وفاقی وزیر داخلہ نے اعلان کیا تھا کہ ’’جب تک تحقیقات مکمل نہیں ہوتیں صحافی کا نام ای سی ایل میں شامل رہے گا اور وہ ملک نہ چھوڑنے کا پابند ہوگا‘‘، تاہم حکومت کی جانب سے صحافی کا نام ایگزیکٹ کنٹرول لسٹ سے نکال دیا تھا۔

وفاقی حکومت کی جانب سے صحافی کی خبر کے ذرائع کی تحقیقات کرنے کے حوالے سے کمیٹی قائم کی گئی تھی جسے صحافی سے رابطہ کرنے اور متنازعہ خبر نشر ہونے کے پیچھے ملوث افراد کی چھان بین کرنی تھی۔

خبر کے ذرائع کی تفصیلات کے حوالے سے جب وفاقی وزیر کی جانب سے نجی اخبار کے صحافی سے رابطہ کیا گیا تو انہوں نے ذرائع بتانے سے صاف انکار کرتے ہوئے تعاون نہ کرنے کا اعلان کیا تھا۔

 

Comments

comments

یہ بھی پڑھیں