site
stats
پاکستان

بہاولپور میں‌ مردہ قرار دی گئی خاتون زندہ ہوگئی

بہاولپور: ڈاکٹرز کی جانب سے مردہ قرار دی گئی خاتون اہل خانہ کے شدید احتجاج کے بعد زندہ ہوگئی، ڈاکٹرز نے مریضہ کو مردہ قرار دیتے ہوئےاہل خانہ کو ’’لاش‘‘ گھر لے جانے کا مشورہ دیا تھا۔

تفصیلات کے مطابق بہاولپور کے نجی اسپتال میں خاتون کو داخل کروایا گیا جہاں انہیں ڈاکٹرز نے مردہ قرار دے دیا۔ خبر سنتے ہی اہل خانہ نے شدید احتجاج کیا اور اپنے غم و غصے کا اظہار کیا۔

ان کا مؤقف تھا کہ مریضہ کو صبح آئی سی یو میں داخل کروایا گیا تھا مگر اُن کی طبیعت ناساز نہیں تھی تاہم ایک دم ڈاکٹرز نے آکر انتقال کی خبر دی۔

نمائندہ اے آر وائی چوہدری سلیم کے مطابق اہل خانہ کا مطالبہ تھا کہ اُن کی مریضہ صبح سے شام تک بالکل ٹھیک تھی،اچانک انتقال کی وجہ سامنے لائی جائے۔ اہل خانہ نے خبر پرتشویش کا اظہار کرتے ہوئے انتظامیہ سے مطالبہ کیا کہ اُن کے مریض کو شاید غلط انجکشن یا دوائی دی گئی ہے جس کی وجہ سے انتقال ہوا۔

اہل خانہ کا کہنا ہے کہ ڈاکٹرز نے بغیر معائنے کے والدہ کی موت کی تصدیق کی اور لاش گھر لے جانے کا مشورہ دیا۔ اہل خانہ کے احتجاج کو دیکھتے ہوئے انتظامیہ نے پولیس اور نجی سیکیورٹی طلب کرلی اور سینئر ڈاکٹرز کی ٹیم کو طلب کیا جس کے بعد ڈاکٹرز نے معائنہ کیا تو معلوم ہوا کہ مریضہ کے دل کی دھڑکن جاری ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top