The news is by your side.

Advertisement

نشے میں دھت بھارتی پولیس اہلکار کے ہوش ٹھکانے آگئے

نئی دہلی: بھارت میں نوجوانوں نے نشے میں مدہوش بھارتی پولیس اہلکار کے ہوش ٹھکانے لگا دیے۔

غیرملکی خبررساں ادارے کی رپورٹ کے مطابق یہ واقعہ بھارتی دارالحکومت نئی دہلی میں پیش آیا جہاں دو لڑکوں نے مل کر نشے میں دھت اہلکار کی پٹائی کر ڈالی۔

رپورٹ کے مطابق نوجوانوں نے اہلکار کی وردی میں ہی درگت بنائی۔ نئی دہلی کے ضلع دوارکار میں اتم نگر پولیس اسٹیشن کے علاقے کی یہ ویڈیو تیزی سے وائرل ہو رہی ہے، واقعے کا مقدمہ درج کرلیا گیا۔

وائرل ویڈیو میں پولیس اہلکار پر شراب پی کر دفتر آنے کا الزام عائد کیا جارہا ہے۔

پولیس حکام نے اس معاملے کی تصدیق کرتے ہوئے کہا کہ یہ واقعہ چودہ دن پرانا ہے، اس ویڈیو کی مکمل تحقیقات کی جارہی ہیں۔ ابتدائی تفتیش میں پولیس اہلکار کے ساتھ مار پیٹ کرنے کا مقدمہ درج کیا گیا۔

Comments

یہ بھی پڑھیں