The news is by your side.

Advertisement

بلوچستان میں ایک بار پھر زلزلے کے جھٹکے

کوئٹہ: بلوچستان کے ضلع سبی میں زلزلے کے شدید جھٹکے محسوس کیے گئے جس کے باعث شہریوں میں خوف وہراس پھیل گیا۔

تفصیلات کے مطابق سبی اور گرونواح میں زلزلے کے جھٹکے سے علاقہ مکین خوف میں مبتلا ہوگئے اور قرآنی آیات اور کلمہ طیبہ کا ورد کرنے لگے۔

زلزلہ پیما مرکز کا کہنا ہے کہ زلزلے کی شدت 3.2ریکارڈ کی گئی، زلزلے کا مرکز سبی سے 95کلومیٹر شمال مشرق میں تھا۔

پیما مرکز نے مزید بتایا کہ زلزلے کی زیر زمین گہرائی 15 کلومیٹر تھی، تاہم جانی نقصانات کی کوئی اطلاعات نہیں ہیں۔

گذشتہ ہفتے ہی خیبرپختونخوا کے علاقے ناران، شانگلہ اورگردونواح میں‌ زلزلے کے جھٹکے محسوس کیے گئے تھے، جس کے باعث شہری خوف وہراس کا شکار ہو کر گھروں سے نکل آئے تھے۔

پاکستان کے مختلف علاقوں میں 5.3 شدت کا زلزلہ

خیال رہے کہ گذشتہ سال مارچ میں خیبر پختونخوا کے علاقے پشاور، ایبٹ آباد مردان اور گردونواح میں زلزلے کے جھٹکے محسوس کئے گئے تھے۔

یاد رہے کہ 8 اکتوبر 2005 میں آزاد کشمیر سمیت مختلف علاقوں میں تباہ کن زلزلہ آیا تھا جس کے نتیجے میں شدید جانی و مالی نقصان کا سامنا ہوا تھا، متاثرہ علاقوں میں آج بھی ترقیاتی کام جاری ہیں۔

Comments

comments

یہ بھی پڑھیں