The news is by your side.

Advertisement

آزاد کشمیر سے ن لیگ کا خاتمہ کریں گے، بلاول بھٹو

راولاکوٹ: کشمیر میں جلسے سے خطاب میں بلاول بھٹو زرداری کا کہنا ہے کہ آزاد کشمیر سے ن لیگ کا خاتمہ کریں۔

راولا کوٹ میں جلسے سے خطاب میں پاکستان پیپلز پارٹی کے چیئرمین بلاول بھٹو زرداری کا کہنا تھا کہ ن لیگ کے خاتمے کا آغاز راولا کوٹ سے ہوگیا ہے، ن لیگ کی کشمیر دشمن پالیسی جاری ہے۔

انہوں نے کہا کہ مودی وزیراعظم نواز شریف کا دوست ہے، مودی کی دہشتگردی کو میاں صاحب کی خاموش حمایت حاصل ہے، کیسےممکن ہے کہ ن لیگ کی مودی دوست پالیسی کو سپورٹ کریں، 35 کشمیریوں کے قتل پر وزیراعظم نے 4دن بعد بیان دے کر جان چھڑالی۔


Bilawal Bhutto says PM Sharif is proven Liar by arynews

بلاول بھٹو نے کہا کہ مسلہ کشمیر پر رائے شماری کا مطالبہ کرتے ہیں، کشمیر میں خواتین کی بے حرمتی ہورہی ہے، ہم کشمیر کو پیپلز پارٹی کا نصب العین سمجھتے ہیں، پیپلزپارٹی مرداورعورت کوبرابرکےحقوق دیناچاہتی ہے، کشمیری اپنا حق چھیننا جانتے ہیں، پیپلز پارٹی خواتین کو معاشی، سماجی، سیاسی طور پر مضبوط دیکھنا چاہتی ہے۔

ان کا کہنا تھا کہ مقبوضہ کشمیر میں انسانی حقوق کی خلاف ورزی کی جارہی ہے، مقبوضہ کشمیر میں بھارتی فوجوں نے ظلم کا بازار گرم کر رکھا ہے، سیاسی جماعتوں نےصوبوں میں عورتوں کیلیےمضبوط قانون سازی نہیں کی۔

بلاول بھٹو نے کہا کہ میاں صاحب آپ بزنس مین ہیں آپ اپنا مفاد دیکھتے ہیں، میاں صاحب آپ کا جانا ٹھر گیا ہے، میاں صاحب نے 3 سال میں صرف آف شور کمپنیاں بنائی ،کسان پیکج کے نام پر کسانوں کو دھوکا دیا گیا، حکومت نے 10 فیصد بھی کسانوں پر خرچ نہیں کیا، پاکستان کو ایسی لیڈر شپ کی ضرورت ہے جو آواز اٹھا سکے۔

ان کا مزید کہنا تھا کہ بھارت بڑے ڈیم بنا کر ہمارے حصے کا پانی روک رہا ہے،برطانیہ ریفرنڈم ہوگیا لیکن کشمیر کا خیال نہیں آیا، اقوام متحدہ ابھی تک کشمیرمیں رائے شماری نہیں کراسکا۔

Print Friendly, PDF & Email

Comments

comments

یہ بھی پڑھیں