کراچی: پاکستانی ماڈل سبیکا امام نے اپنا رشتہ ختم ہونے کی خود ہی تصدیق کردی۔
سبیکا امام نے اپنے انسٹاگرام اکاؤنٹ سے پوسٹ کی جس میں انہوں نے بتایا کہ کافی غور و فکر کے بعد ہم دونوں نے راہیں جدا کرنے کا فیصلہ کیا۔
سبیکا امام نے انسٹاگرام پر اپنی اور حسنین لہری کی تصویر شیئر کرتے ہوئے دکھ کا اظہار کیا اور لکھا کہ ’میرا اور حسنین کا سفر اب ختم ہوگیا، طویل عرصے بعد ہمیں اندازہ ہوگیا کہ ہماری راہیں علیحدہ منزلوں کی طرف جاتی ہیں‘۔
انہوں نے لکھا کہ ’بہت کوششوں اور غور و فکر کے بعد ہم دونوں نے اس رشتے کو ختم کرنے کا فیصلہ کیا، میں اس بات کا اعلان سوشل میڈیا پر صرف اس لیے کررہی ہوں کیونکہ میں ایک ایک شخص کو ذاتی طور پر جواب دیتے ہوئے تھک چکی ہوں‘۔
سبیکا نے لکھا کہ ’حسنین نے شادی کی پیش کش کی تھی مگر یہ بدقسمتی ہے کہ بات آگے نہ بڑھ سکی، میں لوگوں کو بتا بتا کر تھک چکی ہوں کہ ٹھیک ہوں کہ میری منگنی ہوگئی یا شادی ہونے والی ہے‘۔
انہوں نے اپنے دوستوں اور مداحوں سے درخواست کی کہ اس مشکل وقت کو گزر جانے دیں، ہم دونوں کے گھر والے اس معاملے میں ہمارے ساتھ ہیں، بالخصوص میں نہیں چاہتی کہ ہماری وجہ سے گھر والوں کو کسی بھی قسم کے دکھ یا شرمندگی کا سامنا کرنا پڑے‘۔
یاد رہے کہ سبیکا امام اور حسنین لہری کا شمار پاکستان کے ٹاپ ماڈلز میں ہوتا ہے اور دونوں کافی عرصے سے گہرے دوست تھے جس کے بعد انہوں نے سلسلے کو باقاعدہ کرنے کا فیصلہ کیا تھا مگر ایسا نہ ہوسکا۔
