اسلام آباد: وفاقی وزیر اطلاعات شبلی فراز نے وزیراعلیٰ پنجاب سے متعلق قیاس آرائیوں کو بے بنیاد قرار دیتے ہوئے کہا ہے کہ عثمان بزدار کہیں نہیں جارہے۔
وفاقی حکومت وزیراعلیٰ پنجاب عثمان بزدار کے دفاع میں آگئی، انہیں ہٹائے جانے کی خبروں کو جھوٹ، بے بنیاد قرار دیتے ہوئے اپنے بھرپور اعتماد کا اظہار کیا ہے۔
وفاقی وزیر اطلاعات شبلی فراز نے ٹوئٹر پر کہا کہ وزیراعلیٰ پنجاب عثمان بزدار کہیں نہیں جارہے ان سے متعلق قیاس آرائیاں بے بنیاد ہیں۔
Chief Minister Punjab, Usman Buzdar is going nowhere. All speculations regarding his departure are Mala fide and baseless
— Senator Shibli Faraz (@shiblifaraz) July 16, 2020
اس حوالے سے اے آر وائی نیوز کے پروگرام آف دی ریکارڈ میں گفتگو کرتے ہوئے گورنر پنجاب چوہدری محمد سرور نے کہا کہ پنجاب اسمبلی کی اکثریت عثمان بزدار پر اعتماد کرتی ہے اور عثمان بزدار کو وزیراعظم اور تمام اتحادیوں کا تعاون بھی حاصل ہے۔
گورنرپنجاب نے کہا کہ صوبے میں اتحادیوں کے ساتھ معاملات میں کوئی مسئلہ نہیں، اتحادیوں نےپہلےدن سے کہابجٹ کےمعاملےپرحکومت کی مکمل حمایت کریں گے، اتحادی حکومتوں میں اقلیتی جماعت دونوں طرف چلتی ہے۔
ان کا کہنا تھا کہ ہماری حکومت میں کسی بڑےمنصوبےمیں کرپشن کااسکینڈل سامنےنہیں آیا، کسی بھی حکومت کےپہلے2سال بہت مشکل ہوتے ہیں تیسرےاور چوتھےسال عوام کو ریلیف ملےگا۔
