The news is by your side.

Advertisement

’وفاق جون تک صوبوں کو ایک ہزار آئی سی یو بیڈز فراہم کرے گا‘

اسلام آباد: وفاقی وزیرمنصوبہ بندی اسد عمر نے کہا ہے کہ وفاقی حکومت جون تک تمام صوبوں کو ایک ہزار آئی سی یو بیڈز فراہم کرے گی، اس سلسلے میں صوبوں سے مشاورت کی جائے گی۔

تفصیلات کے مطابق پریس کانفرنس کرتے ہوئے وفاقی وزیر اسد عمر کا کہنا تھا کہ کرونا کے بڑھتے کیسز کے باعث اسپتالوں پر دباؤ بڑھ رہا ہے، جولائی میں ٹیسٹنگ استعداد کار میں مزید اضافہ کیا جائے گا، صحت کے نظام میں صوبوں سے تعاون کیا جارہا ہے، پچھلے ایک ہفتے میں 250 وینٹی لیٹرز تقسیم کئے گئے۔

انہوں نے کہا کہ پنجاب کو 72، سندھ اور خیبرپختونخوا میں 52،52 وینٹی لیٹرز دیے گئے، وفاقی حکومت جون تک ایک ہزار آئی سی یو بیڈز فراہم کرے گی، اسلام آباد، جی بی اور آزادکشمیر کو بھی وینٹی لیٹرز فراہم کیے گئے۔

حفاظتی سامان ان اسپتالوں میں دیا گیا جہاں 5 سے کم وینٹی لیٹرز ہیں: علی زیدی

ملک میں بڑھتے کرونا کیسز کے پیش نظر وفاق اور صوبوں کے درمیان تعاون کو مزید بڑھایا جارہا ہے، حالیہ دنوں وفاقی حکومت نے کرونا مریضوں کے لیے تمام صوبوں کے اسپتالوں کو وینٹی لیٹرز فراہم کیے۔

تاہم اب خصوصی طور پر آئی سی یو بیڈز صوبوں کو دیے جائیں گے، حکومت حکمت عملی تیار کررہی ہے۔

Comments

یہ بھی پڑھیں