ہفتہ, فروری 8, 2025
اشتہار

بجلی بلز میں ریلیف کا حتمی فیصلہ آج ہو گا

اشتہار

حیرت انگیز

عوامی احتجاج کے بعد نگراں حکومت نے مہنگے بجلی بلوں میں ریلیف کے لیے سرجوڑ لیے۔ بجلی بلز میں ریلیف سے متعلق حتمی فیصلہ آج ہو گا۔

تفصیلات کے مطابق نگراں وزیراعظم انوارالحق کاکڑ سے وزیر توانائی محمدعلی کی ملاقات ہوئی جس میں بجلی بلز کے حالیہ اضافے پر غور کیا گیا جب کہ صارفین کو ریلیف دینے سے متعلق مشاورت کی گئی۔

نگراں وزیراعظم نےکل اجلاس پھرطلب کر لیا ہے جس میں وزارت پانی و بجلی اور تقسیم کار کمپنیوں کےحکام بھی شریک ہوں گے۔ اجلاس میں بجلی صارفین کوریلیف دینےسےمتعلق حتمی فیصلہ ہوگا۔

اس سے قبل نگران وزیراعظم کی زیرِصدارت بجلی کی قیمتوں اور زائد بلوں سے متعلق اہم اجلاس منعقد ہوا، اجلاس میں نگران صوبائی وزرائےاعلیٰ کے علاوہ وزارت توانائی اور تقسیم کار کمپنیوں کےاعلیٰ حکام بھی شریک تھے۔

ذرائع نے بتایا کہ اجلاس میں بجلی کے بلوں میں ممکنہ ریلیف دینے کے لیے اقدامات کا جائزہ لیا گیا ہے، متعلقہ اداروں کے افسران، ملازمین کو مفت بجلی کی فراہمی کا معاملہ بھی زیرغور آیا۔

توانائی ڈویژن کی جانب سے بجلی کے بلوں میں ممکنہ ریلیف سے متعلق مختلف آپشنز پیش کیے گئے، اجلاس میں بجلی کے بلوں میں شامل ٹیکسز کا بھی جائزہ لیا گیا۔

واضح رہے کہ بجلی کی ہوشربا قیمتوں اور زائد بلوں کے خلاف ملک بھر میں تاجروں، سیاسی جماعتوں اور عوام کی جانب سے احتجاج زور پکڑ گیا ہے۔

کراچی چیمبر کی جانب سے بھی نگراں وزیراعظم سے کل تک بجلی بلز میں فوری ریلیف کی اپیل گئی ہے۔

صدرکراچی چیمبر کا کہنا تھا کہ غریب عوام، تاجربرادری سخت مایوسی کا شکار ہیں، مزاحمت پر قابو پانا مشکل ہوتا جا رہا ہے، کراچی چیمبر ممبران پر ایس ایم ایز، چھوٹے تاجروں کا شدید دباؤ ہے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں