پاکستان ویمنز سپر لیگ کا پہلا نمائشی میچ کا میلا آج پنڈی اسٹیڈیم میں سجے گا۔
اے آر وائی نیوز کے مطابق پی سی بی کی جانب سے خواتین کے عالمی دن کے موقع پر پاکستان ویمنز سپر لیگ کا پہلا نمائشی میچ آج پنڈی اسٹیڈیم میں دن 2 بجے کھیلا جائے گا۔
پاکستان ویمنز سپر لیگ کا پہلا میچ ایمازونز اور سپر ویمنز کے مابین کھیلا جائے گا۔
رپورٹ کے مطابق پاکستان کی 26 نامور اور ابھرتی ہوئی خواتین کرکٹرز اس لیگ کا حصہ ہیں اس کے علاوہ سات ممالک کی 10 بین الاقوامی اسٹارز بھی لیگ میں شامل ہیں۔
ایمازونز میں کپتان بسمہ معروف ،عالیہ ریاض، انعم امین، اریشہ نور شامل ہیں اس کے علاوہ انگلینڈ کی ڈینی وائٹ ،ایمن فاطمہ، فاطمہ خان، فاطمہ ثناء، غلام فاطمہ، بھی ایمازونز ٹیم کا حصہ ہے۔
گل فیروزہ، کائنات امتیاز،آئرلینڈ کی لورا ڈیلانی اور مایا بوچیر نشرہ سندھو، صدف شمس، سدرہ نواز،انگلینڈ کی ٹمی بیومونٹ اور آسٹریلیا کی ٹیس فلنٹاف بھی ایمازونز اسکواڈ کا حصہ ہے۔
سپر ویمنز میں کپتان ندا ڈار، ایمن انور، سری لنکا کی چماری اتھاپتھو، ارم جاوید شامل ہیں اس ٹیم میں بنگلہ دیش کی جہاں آراء عالم ،جنوبی افریقہ کی لورا وولوارڈٹ ، انگلینڈ کی لارین ونفیلڈ ہل، نیوزی لینڈ کی لیا تہوہو، منیبہ علی، نتالیہ پرویز، عمائمہ سہیل، سعدیہ اقبال، شوال ذوالفقار سپر ویمنز اسکواڈ کا حصہ ہیں۔
اس کے علاوہ سدرہ امین، سیدہ عروب شاہ، سیدہ معصومہ زہرا، طوبہ حسن اور ام ہانی بھی سپر ویمنز ٹیم کا حصہ ہے۔
ویمنز سپر لیگ میں دو خواتین امپائرز کی زمہ داری حمیرا فرح اور سلیمہ امتیاز ادا کریں گی، شوزب رضا میچ میں طارق رشید کے ساتھ آن فیلڈ امپائرنگ کی ذمہ داریاں نبھائیں گی۔
واضح رہے کہ آج کے میچ خواتین کا عالمی دن منانے کی مناسبت سے رکھا گیا ہے۔
