تحریک انصاف کا پہلا صوبائی بجٹ پارٹی منشور کا آئینہ دار ہوگا: عثمان بزدار
The news is by your side.

Advertisement

تحریک انصاف کا پہلا صوبائی بجٹ پارٹی منشور کا آئینہ دار ہوگا: عثمان بزدار

لاہور: وزیر اعلیٰ پنجاب عثمان بزدار کا کہنا ہے کہ تحریک انصاف کا پہلا صوبائی بجٹ پارٹی منشور کا آئینہ دار ہوگا، ہمارا بجٹ غریب آدمی کے لیے ہے۔

تفصیلات کے مطابق وزیراعلیٰ پنجاب سردار عثمان بزدار کی زیر صدارت پارلیمانی پارٹی کا اجلاس ہوا، اجلاس میں بجٹ سیشن کے حوالے سے حکمت عملی طے کی گئی۔

عثمان بزدار کا کہنا تھا کہ پسماندہ علاقوں کی ترقی کے لیے خصوصی اقدامات نظر آئیں گے، میں اور وزرا بجٹ سیشن کے دوران اسمبلی میں موجود رہیں گے۔

ان کا مزید کہنا تھا کہ اراکین اسمبلی بجٹ سیشن اور بحث میں بھرپور حصہ لیں۔

آئندہ بجٹ میں زیادہ سے زیادہ ر یلیف دینے کی کوشش کریں گے‘ عثمان بزدار

خیال رہے کہ گذشتہ دنوں وزیراعلیٰ پنجاب سردار عثمان بزدار نے کہا تھا کہ وسائل کم ہیں لیکن پھر بھی عوام کی فلاح دل کے قریب ہے۔

انہوں نے یہ بھی کہا تھا کہ آئندہ بجٹ میں زیادہ سے زیادہ ریلیف دینے کی کوشش کریں گے، بجٹ اعداد کا ہیرپھیر نہیں بلکہ وسائل کے اندر ترقیاتی عمل کا عکاس ہوگا، کم ترقی یافتہ علاقوں کی ترقی کی بجٹ میں بنیادی حیثیت ہوگی۔

یاد رہے کہ گزشتہ ہفتے وزیراعلیٰ پنجاب سردار عثمان بزدار کا کہنا تھا کہ نیا پاکستان امیر اور غریب کا فرق مٹا دے گا، وزیراعظم عمران خان اس پاکستان کی بنیاد رکھ رہے ہیں جس کا خواب بانیان پاکستان نے دیکھا تھا۔

Comments

comments

یہ بھی پڑھیں