آئی سی سی ٹی 20 ورلڈ کپ یکم جون سے شروع ہو رہا ہے میگا ایونٹ میں شرکت کیلیے پہلی ٹیم نے امریکا کے لیے اڑان بھر لی ہے۔
آئی سی سی ٹی 20 ورلڈ کپ کا آغاز یکم جون سے امریکا اور ویسٹ انڈیز کی مشترکہ میزبانی میں ہو رہا ہے جس میں پہلی بار ریکارڈ 20 ٹیمیں شرکت کر رہی ہیں اور میزبان امریکا سمیت تین ٹیموں کو ورلڈ کپ میں ڈیبیو ہو رہا ہے۔
�اس میگا ایونٹ میں شرکت کے لیے سب سے پہلی ٹیم جس نے امریکا کے لیے اڑان بھری ہے وہ جنوبی ایشیا سے تعلق رکھنے والے سابق عالمی چیمپئن سری لنکا ہے۔
View this post on Instagram
سری لنکا کی ٹیم آل راؤنڈر وینندو ہسرنگا کی قیادت میں امریکا کے لیے روانہ ہوئی اور روانگی سے قبل اپنے مذہبی عقائد کے مطابق رسومات میں حصہ لیا۔
View this post on Instagram
وہ میگا ایونٹ کے لیے امریکا روانہ ہونے والی پہلی ٹیم ہے جو ورلڈ کپ میں اپنے سفر کا آغاز 3 جون کو نیویارک میں جنوبی افریقہ کے خلاف میچ سے کرے گی۔
لنکن ٹائیگرز 7 جون کو ڈلاس میں بنگلہ دیش، 11 جون کو نیپال سے لاڈرہل اور 16 جون کو سینٹ لوشیا میں نیدر لینڈ سے ٹکرائیں گے جس کے بعد سری لنکن ٹیم اگلے مرحلے کے لیے ویسٹ انڈیز کا رخ کرے گی۔
View this post on Instagram
سری لنکن اسکواڈ ان کھلاڑیوں پر مشتمل ہے۔
ونیندو ہسرنگا (کپتان)، چارتھ اسالنکا (نائب کپتان)، کوسل مینڈس، پاتھم نسانکا، کامندو مینڈس، سدیرا سماراویکراما، اینجلو میتھیوز، داسن شاناکا، دھننجایا ڈی سلوا، مہیش تھیکشنا، دونتھ نوشمان ویللاگے، دونتھ نوشمان، متھیشا پاتھیرانا اور دلشان مدوشنکا پر مشتمل ہے جب کہ ریزرو کھلاڑیوں میں آسیتھا فرنینڈو، وجے کانتھ ویاسکانتھ، بھانوکا راجا پاکسا، اور جنیت لیاناگے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں