نگراں وزیرخارجہ نےامریکہ کو پاکستان کی موجودہ صورت حال کا ذمہ دارقراردے دیا -
The news is by your side.

Advertisement

نگراں وزیرخارجہ نےامریکہ کو پاکستان کی موجودہ صورت حال کا ذمہ دارقراردے دیا

حیدرآباد : نگراں وزیرخارجہ کا کہنا ہے کہ دہشت گردی کے خلاف جنگ میں ہماری عظیم اورگرانقدر قربانیوں کے باوجود امریکہ پاکستان کو نظرانداز کررہا ہے۔

تفصیلات کے مطابق نگراں وزیرخارجہ عبداللہ حسین ہارون نے حیدرآباد میں میڈیا سے گفتگو کرتے ہوئے کہا کہ افغان جنگ میں صف اول کے اتحادی ملک کی حیثیت سے پاکستان کوشدید نقصان اٹھانا پڑا۔

نگراں وزیرخارجہ نے امریکہ کو پاکستان کی موجودہ صورت حال کا ذمہ دار قرار دیا۔

انہوں نے کہا کہ دہشت گردی کے خلاف جنگ میں ہماری عظیم اورگرانقدر قربانیوں کے باوجود امریکہ پاکستان کو نظرانداز کررہا ہے۔

عبداللہ حسین ہارون کا یہ بھی کہنا تھا کہ پاکستان فنانشل ایکشن ٹاسک فورس کے تحت الزام تراشی ہرگز قبول نہیں کرسکتا۔

نگراں وزیرخارجہ نے کہا کہ پاکستان کی نئی خارجہ پالیسی وضع کرنے کی ضرورت ہے تاکہ اہم ترجیحات کا اپنے طور پرتعین کرسکیں۔

نگراں وزیرخاجہ نے بیل آؤٹ پیکیج کے حوالے سے بیان کو مسترد کردیا

خیال رہے کہ تین روز قبل نگراں وزیرخارجہ عبداللہ حسین ہارون نے امریکی سیکریٹری آف اسٹیٹ مائیک پومپیو کے آئی ایم ایف کو پاکستان کے لیے بیل آؤٹ پیکج کے حوالے سے خبردار کرنے کے بیان کو مسترد کردیا تھا۔

عبداللہ حسین ہارون کا کہنا تھا کہ پاکستان نے 17 سال سے جاری جنگ کی بھاری قیمت ادا کی ہے، ہمیں ڈو مور کہنے والے دیکھیں کہ انہوں نے خود کیا کیا ہے۔

Comments

comments

یہ بھی پڑھیں