ارجنٹینا سے تعلق رکھنے والے شہرہ آفاق فٹبالر میرا ڈونا چل بسے۔
دنیائے فٹبال کا عظیم باب بند ہوگیا۔اسٹار فٹبالر میراڈونا60 برس کی عمر میں حرکت قلب بند ہونےسے جہانِ فانی سے کوچ کر گئے۔
میرا ڈونا کا شمار دنیا کے بہترین فٹبالرز میں ہوتا تھا وہ 4 عالمی فٹبال کپ میں ارجنٹینا کی نمائندگی کرنے کا اعزاز رکھتے تھے۔
RIP Diego Maradona.
Holder of the record for most games played at a FIFA World Cup as a captain – 16.
And also, sharing the record with Harry Kane, the most goals scored at a World Cup as a captain – 6. pic.twitter.com/J0XNBg3y09
— Guinness World Records 2021 Out Now (@GWR) November 25, 2020
تین ہفتے قبل میراڈونا کو طبیعت ناساز ہونے پر اسپتال لایا گیا تھا جہاں ڈاکٹرز نے اُن کا ایم آر آئی کیا تو دماغ میں خون جمنے کا انکشاف ہوا تھا۔
بعد ازاں انہیں دوسرے اسپتال منتقل کیا گیا جہاں دماغی امراض کے ماہر ڈاکٹرز نے فٹبالر کو فوری آپریشن کروانے کا مشورہ دیا۔
لیجنڈری فٹبالر میرا ڈونا کے دماغ کا آپریشن کامیاب رہا جس کے بعد وہ تیزی سے صحت یاب ہو رہے تھے۔ ڈاکٹر نے فٹبالر کی طبیعت کو خطرے سے باہر اور تسلی بخش قرار دیتے ہوئے بتایا تھا کہ میرا ڈونا کو جلد ہی اسپتال سے گھر جانے کی اجازت دے دی جائے گی۔
