ممبئی: بالی ووڈ کے معروف ڈائریکٹر اور اداکار آنند بلراج کے ساتھ دھوکہ ہوگیا، نوسر باز بلراج کے بینک اکاؤنٹس سے بھاری رقم لے اڑا۔
تفصیلات کے مطابق اداکار کے اے ٹی ایم کارڈ کی جعلی کاپی کے ذریعے ملزم نے تقریباً ایک لاکھ روپے نکالے۔ گزشتہ سال 31 دسمبر سے 7 جنوری 2020 تک 16 مرتبہ جعلی ڈیبٹ کارڈ استعمال ہوا جس میں سے مذکورہ رقم نکالی گئی۔
غیرملکی خبررساں ادارے کے مطابق آنند بلراج کام کے سلسلے میں مختصر دورے پر اپنے شہر نوئیدا سے باہر تھے۔ اداکار کا کہنا ہے کہ وہ ریستوران اور ہوٹل کا بل ادا کرنے کے لیے اے ٹی ایم کارڈ کا استعمال کرتے ہیں، بعد ازاں ٹرانزیکشن اور ویتھڈروال سے متعلق موبائل پر آنے والے میسیجز بھی دیکھتے ہیں۔
انہوں نے کہا کہ مختصر دورے کے دوران ایک ہفتے بعد انہوں نے اے ٹی ایم کارڈ سے متعلق میسیجز دیکھ کر وہ دنگ رہ گئے، اور اپنی نجی اور کام کے سلسلے میں دیگر مصروفیات ترک کرکے اپنے شہر پہنچے اور اس جعل سازی سے متعلق پولیس حکام کو آگاہ کیا۔
آنند کا کہنا تھا کہ اپنے دورے پر وہ بھارتی شہر دہرادن گئے، وہاں سے مسیری اور دہلی جانا ہوا۔ اس دوران انہیں اس جعل سازی کا علم ہوا تو وہ 7 جنوری کو اپنے شہر نوئیدا پہنچے۔ افسوناک خبر کے باعث اداکار نے اپنے شہر میں بھی مصروفیات کو مختصر کرکے واقعے کی سنگینی سے متعلقہ حکام کو آگاہ کیا۔
انہوں نے مزید کہا کہ ملزم نے روزانہ کی بنیاد پر 10 ہزار سے 30 ہزار کی ٹرانزیکشن کی اس طرح جعل ساز نے اکاؤنٹس سے 1 لاکھ کے قریب رقم نکالی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں