تہران: ایرانی نائب وزیر صحت ایرج ہررچی خود بھی کروناوائرس کا شکار ہوگئے۔
غیرملکی خبررساں ادارے کی رپورٹ کے مطابق ایرانی نائب وزیر صحت چند روز سے کرونا وائرس پر بریفنگ دے رہے تھے، انہوں نے عزم ظاہر کیا تھا کہ ملک میں پھیلنے والے مہلک وائرس کو شکست دیں گے۔
تہران حکومت کے لیے ایرانی نائب وزیرصحت کا کروناوائرس کا شکار ہوجانا باعث تشویش ہے۔
گزشتہ روز ایرج ہررچی ایران میں کروناوائرس سے متعلق پریس کانفرنس کررہے تھے، اس دوران انہیں کھانستے ہوئے دیکھا گیا، اس موقع پر ان کا کہنا تھا کہ ملک میں مہلک وائرس سے اتنی اموات نہیں ہوئیں جتنی بتائی جارہی ہیں۔
Iraj Harirchi, Iran's deputy health minister, went on TV yesterday (left) to insist the Iranian government was getting the #coronavirus outbreak under control.
Today it was announced Harirchi himself has the virus. pic.twitter.com/dO0RgLyydk
— Raf Sanchez (@rafsanchez) February 25, 2020
وزرات صحت کے شعبہ تعلقامہ عامہ کا کہنا ہے کہ ہررچی نے کروناوائرس کا ٹیسٹ کرایا جو پوزیٹو رہا، انہیں گھر میں سب سے الگ رہا گیا ہے جہاں کسی کو بھی ان سے ملنے کی اجازت نہیں دی جارہی ہے۔
کویت اور عمان بھی کورونا وائرس کی لپیٹ میں آگئے
خیال رہے کہ ایران میں کرونا وائرس سے اموات 12 ہو گئیں، جب کہ 61 متاثر ہیں، ایرانی میڈیا کا کہنا ہے کہ تہران سمیت کئی شہروں میں معمولات زندگی شدید متاثر ہوئے ہیں۔
خیال رہے کہ دنیا بھر میں نہایت مہلک وائرس کووِڈ 19 سے ہلاکتوں کی تعداد 2 ہزار 698 تک پہنچ گئی۔