The news is by your side.

Advertisement

”کپل شرما شو“ بند ہونے کا امکان

ممبئی: بھارت کے مشورہ مزاحیہ شو ”دی کپل شرما شو“ کو بند کرنے کی افواہیں گردش کر رہی ہیں تاہم شو کو عارضی طور پر بند کیا جا رہا ہے۔

”ٹائمز آف انڈیا“ کے مطابق کپل شرما شو کو کچھ عرصے کے لیے بند کیا جا رہا ہے کیوں کہ اس کے میزبان کپل شرما امریکا کے دورے پر جا رہے ہیں اور وہ شو کے لیے دستیاب نہیں ہوں گے۔

کپل شرما نے حال ہی میں امریکا اور کینیڈا کے دورے کا اعلان کیا ہے۔ لہٰذا اس بات کو ممدِ نظر رکھتے ہوئے شو سے وقفہ لینے اور پھر چند ماہ بعد نئے سیزن کے ساتھ واپسی کا فیصلہ کیا گیا ہے۔

تاہم ناظرین کو تفریح فراہم کرنے کے لیے شو کی چند اقساط کو پری شوٹ کیا جائے گا۔ اس میں کوئی شک نہیں کہ اس خبر نے بہت سے مداحوں کو مایوس کیا ہے لیکن اچھی خبر یہ ہے کہ شو کی عارضی بندش مختصر ہوگی۔

یہ پہلا موقع نہیں کہ شو کو آف ایئر کیا جائے گا۔ اس سے قبل جب کپل شرما نے خاندان کے ساتھ وقت گزاری کے لیے شو کو عارضی طور پر بند کیا تھا۔

Comments

یہ بھی پڑھیں