site
stats
پاکستان

امجد صابری کے قتل اور اویس شاہ کے اغوا کا مقصد خوف و ہراس پھیلانا ہے، چوہدری نثار

اسلام آباد: وزیرداخلہ چوہدری نثار کا کہناہے کہ اویس شاہ کے اغوا کے معاملے کا چوبیس گھنٹے جائزہ لے رہے ہیں،امجد صابری کے قتل کا مقصد خوف و ہراس پھیلانا ہے۔

میڈیا سے گفتگو میں چوہدری نثار نے کراچی کے واقعات پر تشویش کا اظہار کیا ، کہتے ہیں امجد صابری کی ٹارگٹ کلنگ اور اویس شاہ کے اغوا کا مقصد افراتفری اور خوف و ہراس پھیلانا ہے۔

وزیرداخلہ کا کہناتھا کہ سیکیورٹی ادارے دہشت گردی کےخاتمے کےلیےپرعزم ہیں،چیف جسٹس کےبیٹےکےاغواکےمعاملے کاچوبیس گھنٹےجائزہ لےرہےہیں۔

چوہدری نثار کا کہناتھا کہ دہشت گردوں سے ڈر کر اپنےمحلے،بازاراورمارکیٹیں بندنہیں کرسکتے،ان کا مقابلہ کرینگے،ایسےواقعات کواپنےعزم کی کمزوری نہیں بننےدیں گے۔

وزیرداخلہ اس موقع پر بھی پی ٹی آئی پر چوٹ کرنا نہ بھولے اور کہا کہ ڈیوڈکیمرون کامستعفی ہونے کا فیصلہ جمہوریت کیلئےخوش آئند ہے،پی ٹی آئی کے اپنے دوالیکشن کمشنرزنے بھی استعفےدیئے ہیں۔

دوسری جانب اویس شاہ کے اغوا پر چیف جسٹس آف پاکستان کی زیرصدارت سپریم کورٹ کراچی رجسٹری میں اہم اجلاس ہوا جس میں سیکیورٹی اداروں کواویس شاہ کوبازیاب کرانےکاحکم دیا گیا۔

اجلاس سے خطاب کرتے ہوئے چیف جسٹس نے کہااغوا سے ججوں اورخاندانوں میں عدم تحفظ کااحساس پیداہوا،انوار ظہیر جمالی نےکہااغوا سےعوام کو بھی غلط پیغام گیا۔چیف سیکریٹری کوسندھ میں امن کیلئےتمام وسائل بروکارلانے کی ہدایت کردی ۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top