کویت سٹی: کویت حکومت نے سڑکوں پر الیکٹرک اسکوٹر اور روڈ سائیکل چلانے پر پابندی عائد کردی۔
عرب میڈیا کی رپورٹ کے مطابق کویتی وزارت داخلہ نے سماجی رابطے کی ویب سائٹ ٹوئٹر پر اعلان کیا ہے کہ سڑکوں پر الیکٹرک اسکوٹر اور روڈ سائیکل چلانے والوں کے خلاف ایکشن لیا جائے گا۔
يمنع الاستخدام بالطرقات العامة pic.twitter.com/gbDp6Uk7FW
— وزارة الداخلية (@Moi_kuw) October 30, 2020
وزارت داخلہ نے خبردار کیا ہے کہ سڑکوں پر اس طرح کی برقی گاڑیاں نظر آئیں تو یہ دو ماہ کے لیے ضبط کرلی جائیں گی، عوام کی جانب سے یہ اقدام ضابطہ اخلاق کے آرٹیکل 207 کی خلاف ورزی تصور کی جائے گی۔
کویت کی سڑکوں پر اس طرح کی گاڑیاں ناصرف چلانے والے بلکہ دیگر افراد کے لیے بھی خطرہ ہیں۔
خیال رہے کہ ملک بھر میں حالیہ دنوں الیکٹرک اسکوٹر رائڈ میں اضافہ ریکارڈ کیا گیا ہے، نوجوان گلیوں اور پیدل چلنے والے راستوں پر بھی روڈ سائیکل اور برقی اسکوٹر دوڑا رہے ہیں جو ایک تشویش کا سبب ہے۔