تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

روسی ویکسین کی افادیت تسلیم کرنے سے متعلق بڑی خبر

ماسکو: برطانوی میڈیکل جریدے دی لانسیٹ نے روسی ویکسین کی 91 فی صد سے زائد افادیت کو تسلیم کر لیا۔

تفصیلات کے مطابق روس کی تیار کردہ کرونا ویکسین اسپوتنک V کے سلسلے میں اہم پیش رفت ہوئی ہے، مشہور برطانوی طبی جریدے دی لانسیٹ نے روسی ویکسین کے تیسرے مرحلے کے کلینکل ٹرائلز کی رپورٹ شائع کی ہے۔

رپورٹ میں کہا گیا ہے کہ اسپوتنک V انتہائی مؤثر ویکسین ہے جس کی شرح 91 فی صد سے زائد ہے۔

رپورٹ کے مطابق 19 ہزار 866 رضا کاروں کے کلینکل ٹرائلز کے اعداد و شمار، جن میں 4 ہزار 902 افراد پلیسبو گروپ میں شامل تھے، ظاہر کرتے ہیں کہ روسی ساختہ ویکسین کی مجموعی افادیت 91.6 فی صد ہے۔

ٹرائلز میں یہ دیکھا گیا کہ روسی ویکسین 60 سال سے زائد عمر کے 2 ہزار 144 رضاکاروں کے گروپ میں 91.8 فی صد تک مؤثر ثابت ہوئی۔

دی لانسیٹ میں شائع شدہ ریسرچ کے اختتام پر بتایا گیا کہ کرونا وائرس سے مریض کو نازک صورت حال سے بچانے کے لیے روسی ویکسین 100 فی صد مؤثر ثابت ہوئی ہے۔

ماسکو میں اسپوتنک V ویکسین تیار کرنے والے ادارے گمالیہ ریسرچ انسٹی ٹیوٹ کے ڈائریکٹر الیگزینڈر گینسبرگ کا کہنا تھا کہ ویکسین کے تیسرے مرحلے کے کلینکل ٹرائلز کے نتائج کو وِڈ 19 کی عالم گیر وبا کے خلاف عالمی جنگ میں ایک بہت بڑی کامیابی ہے۔

Comments

- Advertisement -