جکارتہ: انڈونیشیا میں جنگل میں چہل قدمی کرتے شخص کا ایک حیرت انگیز پھول سے واسطہ پڑ گیا، جس سے مردے کی طرح بدبو آتی ہے۔
ٹویٹر پر پوسٹ کی گئی ایک ویڈیو کے مطابق انڈونیشیا کے جنگل سے گزرتے ہوئے ایک شخص کو نایاب پھول نظر آیا، جسے گلِ نعش بھی کہا جاتا ہے، لیکن اس کا سائنسی نام ریفلیشیا ارنولڈائی ہے، اور یہ دنیا کا سب سے بڑا پھول ہے۔
دل چسپ بات یہ ہے کہ یہ پھول صرف چند دنوں کے لیے کھلتا ہے، اس سے بہت زیادہ بدبو آتی ہے، اس لیے اسے گل نعش کہا جاتا ہے۔
ویڈیو پوسٹ کے مطابق اس پھول کی ویڈیو جس شخص نے بنائی وہ جنگل میں ٹریکنگ پر تھا۔
A man came across this rare flower while walking through an Indonesian forest. The rafflesia arnoldii is the largest flower in the world & only blooms for a couple of days. It is colloquially known as a corpse flower for the overpoweringly stinky odor it emits while mid-bloom. pic.twitter.com/LJmJDgfpqd
— NowThis (@nowthisnews) September 28, 2022
یہ پھول انڈونیشیا کے برساتی جنگلات میں پایا جاتا ہے، اور یہ 3 فٹ تک بڑھ سکتا ہے، اور اس کا وزن 15 پاؤنڈ تک ہو سکتا ہے۔
شیئر کی گئی ویڈیو میں اس دیوہیکل پھول کو جنگل میں زمین پر پڑا ہوا دیکھا جا سکتا ہے، سرخ پھول، پورا کھلا ہوا ہے، اس پر سفید دھبے ہیں اور اس کی پانچ پنکھڑیاں ہیں۔