The news is by your side.

Advertisement

قومی کرکٹرز کا پیغام، محبت سرحدوں کی پابند نہیں ہوتی

برسبین: آسٹریلیا میں قومی کرکٹرز بھارتی ٹیکسی ڈرائیور سے اتنی محبت سے پیش آئے کہ دنیا کھلاڑیوں کی معترف ہوگئی۔

تفصیلات کے مطابق پاکستانی کرکٹرز نے بتا دیا کہ محبت سرحدوں کی پابند نہیں ہوتی، آسٹریلیا کے دورے پر موجود پاکستانی ٹیم برسبین ٹیسٹ تو نہ جیت سکی لیکن نوجوان کھلاڑیوں نے سب کے دل جیت لیے۔

برسبین ٹیسٹ کے دوران اے بی سی ریڈیو چینل کی کمنٹیٹر نے بھارتی ڈرائیور اور قومی کھلاڑیوں کی ملاقات کی کہانی سنادی، مہمان نواز صوبے خیبرپختونخوا کے پانچ بولرز یاسرشاہ، شاہین آفریدی، عمران خان، محمد موسی اور نسیم شاہ نے بھارتی ٹیکسی ڈرائیور کی میزبانی کی اور سیلفیاں بنائیں۔

پاک بھارت کشیدگی کے دوران قومی ٹیم کا یہ کردار دنیا کو بھا گیا اور لوگ تعریف کیے بغیر نہ رکے۔

یاسرشاہ نے بتایا کہ بھارتی ڈرائیور نے انہیں ریسٹورنٹ ڈراپ کیا، لیکن جب پیسے لینے سے انکار کیا تو انہوں نے ڈرائیور کو کھانے پر روک لیا، میڈیا پر دونوں ممالک کے صارفین کو انڈین ٹیکسی ڈرائیور اور پاکستانی کھلاڑیوں کا رویہ بہت پسند آیا۔

یاسر شاہ کا کہنا تھا کہ محبت اور انسانیت کی کوئی سرحد نہیں ہوتی۔

fb-share-icon0
Tweet 20

Comments

comments

یہ بھی پڑھیں