The news is by your side.

Advertisement

سب سے زیادہ جرات مندانہ کام کلنٹن سے طلاق نہ لینا تھا، ہیلری کلنٹن

واشنگٹن:امریکا کی سابق وزیر خارجہ ہیلری کلنٹن نے کہاہے کہ اگر انہوں نے اپنی زندگی میں اب تک کوئی سب سے جرات مندانہ کام کیا ہے تو وہ سابق امریکی صدر بل کلنٹن سے طلاق نہ لینا ہے۔

تفصیلات کے مطابق ہیلری کلٹن اپنی بیٹی چیلسی کلنٹن کے ہمراہ امریکی ٹی وی کے مارننگ شو کا حصہ بنیں، جہاں وہ اپنی بیٹی کے ہمراہ اپنی کتاب دی گٹسی ویمن کی تشہیر کے لیے جلوہ گر ہوئیں تھی۔اس دوران شو کی میزبان نے ہیلری سے سوال کیا کہ انہوں نے بیٹی کے ہمراہ یہ کتاب تحریر تو کی لیکن خود اپنی زندگی میں ایسا کیا کام کیا ہے جسے وہ جرات مندانہ سمجھتی ہوں ۔

اُس پر ہیلری کا کہنا تھا کہ اگر حقیقتا بات کی جائے تو شادی شدہ رہنا اور طلاق نہ لینا میرا ایک جرات مندانہ کام ہے۔ہیلری کی بیٹی چیلسی کلنٹن کا اس حوالے سے کہنا تھا کہ انہیں اپنی والدہ پر فخر ہے اور انہیں ان کا جواب بےحد پسند آیا۔

خیال رہے کہ سابق بل کلنٹن اور  وائیٹ ہاؤس کی ملازم مونیکا لیونسکی کے افیئر کا اسکینڈل دو دہائیوں  پرانا ہے تاہم اب بھی ان کے معاشقے کا اسکینڈل عالمی میڈیا سرخیوں کی زینت بنتا رہتا ہے۔

واضح رہے کہ امریکی فلم ساز ادارے ’ایف ایکس‘ نے مونیکا لیونسکی اور  بل کلنٹن کے درمیان ہونے والے معاشقے اور سابق امریکی صدر بل کلنٹن کے خلاف مواخذے کی کارروائی پر فلم بنانے کا اعلان کیا ہے۔

Comments

comments

یہ بھی پڑھیں