The news is by your side.

Advertisement

سرفراز کی امامت میں قومی ٹیم نے نماز عید ادا کی

عید کے موقع پر نیشنل ڈیوٹی پرموجود قومی کھلاڑی مانچسٹر میں عید منا رہے ہیں۔

تمام کھلاڑیوں نے مانچسٹر کے ہوٹل میں عید کی نماز ادا کی۔ سابق کپتان سرفراز احمد نے جماعت ‏کی امامت کی۔

عید کے پرُمسرت موقع پر کھلاڑیوں نے بغل گیر ہو کر ایک دوسرے کو عید کی مبارکباد دی۔ اس ‏موقع پر کھلاڑیوں نے گروپ فوٹو بھی بنوایا۔

کھلاڑی عید منانے کے بعد آج انگلینڈ کے خلاف ٹی ٹوئنٹی سیریز کا فیصلہ کن میچ کھیلیں گے۔

دوسری جانب اولمپکس ویلیج میں پاکستانی ایتھلیٹس اور آفیشلز نے عید منائی جب کہ دیگر ‏مسلمان ممالک کے کھلاڑی اور آفیشلز نے بھی نماز عید ادا کی۔

اولمپکس کی انتظامیہ نے نماز عید کا اہتمام کیا تھا۔۔۔ نماز عید میں پاکستانی کھلاڑیوں کی کامیابی ‏کیلئے دعا کی گئی۔
پاکستانی اور دیگر مسلم ممالک کے ایتھلیٹس نے ایک دوسرے کو عید کی مبارکباد دی۔

Comments

یہ بھی پڑھیں