The news is by your side.

Advertisement

کیٹگری سی ممالک، زمبابوے سے قومی ٹیم کو واپسی کی اجازت مل گئی

سول ایوی ایشن نے کیٹگری سی کے ممالک میں شامل زمبابوے سے قومی ٹیم کی وطن واپسی کے ‏لیے خصوصی اجازت دے دی۔

قومی کرکٹ ٹیم کے دورہ زمبابوے سے واپسی کیلئے سی اے اے نے این او سی جاری کرر دیا ‏ہے۔ کورونا کے تناظر میں پی سی بی نےقومی ٹیم کی واپسی کیلئےاین او سی کی درخواست کی ‏تھی۔

29رکنی اسکواڈ11مئی کوپی آئی اےکی خصوصی پروازسےوطن واپس پہنچےگا۔ کرکٹ ٹیم کو ‏واپسی پر پی سی آر ٹیسٹ اور کورونا ایس اوپیز پر عملدرآمد کرنا ہو گا۔

ٹیم کو 7 سے 10 دن تک گھروں پر قرنطینہ بھی لازمی کرناہوگا۔ سول ایوی ایشن کےشعبہ ‏ائیرٹرانسپورٹ نے نوٹیفکیشن جاری کر دیا ہے۔

اس سے قبل سیریز کے اختتام پر زمبابوے سے قومی ٹیم کےٹی20 اسکواڈ کو وطن واپسی کے لیے ‏خصوصی اجازت دی گئی تھی۔

پی سی بی کی درخواست پر سی اے اے نےکھلاڑیوں کی واپسی کیلئے اجازت نامہ دے رکھا ہے۔ ‏‏پی سی بی نے کورونا ایس اوپیز کے تحت سفری پابندیوں کےباعث اجازت طلب کی تھی۔

Comments

یہ بھی پڑھیں