انگلینڈ کے خلاف 5 اگست سے شروع ہونے والی سیریز کے لیے پاکستانی ٹیم کی جرسی منظرعام پر آگئی۔
پی سی بی نے ڈربی میں موجود پاکستانی اسکواڈ کا وی لاگ جاری کیا جس میں شان مسعود نے ساتھی پلیئرز کے کمرے میں جاکر انہیں ٹیم کی نئی ٹیسٹ جرسی پیش کیں۔
کھلاڑیوں نے نئی جرسی کوبہت پسند کیا اور فوٹو شوٹ بھی کروایا۔
نئی سیریز کے لیے نئی جرسی کی رونمائی پر کھلاڑیوں نے خوشی کا اظہار کرتے ہوئے سیریز کے لیے ایک دوسرے کا حوصلہ بڑھایا اور نیک تمناؤں کا اظہار کیا۔
The Pakistan Team Vlog!
We sent some special gifts for the Pakistan Cricket Team. Find out how they reacted! 🙌 pic.twitter.com/Z1ekVbzTa1
— Pakistan Cricket (@TheRealPCB) July 28, 2020
خیال رہے کہ قومی کرکٹ ٹیم تین ٹیسٹ اور تین ٹی 20 میچز کی سیریز کھیلنے کے لیے انگلینڈ میں موجود ہے، دونوں ٹیموں کے درمیان پہلا ٹیسٹ 5 اگست سے کھیلا جائے گا۔
انگلش کنڈیشن میں مضبوط انگلینڈ کو ڈھیر کرنے کا چیلنج لیے پاکستان نے بیس رکنی اسکواڈ کا اعلان کیا ہے، اظہر علی کپتان جبکہ بابر اعظم نائب کپتان ہوں گے۔
اسکواڈ میں امام الحق، شان مسعود اور عابد علی بطور اوپنر کھیلیں گے۔ سرفراز احمد اور وہاب ریاض کی بھی ٹیم میں واپسی ہوگئی۔ اسد شفیق، فواد عالم اور محمد رضوان مڈل آرڈر سنبھالیں گے۔
بولرز میں نسیم شاہ، شاہین آفریدی، عباس، یاسر شاہ، کاشف بھٹی، سہیل خان، عمران خان سینئر اور عثمان خان شنواری شامل ہیں۔ جبکہ فہیم اشرف اور شاداب خان آل راؤنڈر کے فرائض انجام دیں گے۔