شوبز انڈسٹری کے معروف اداکار اسامہ خان نے مایا علی کے ساتھ چاند کے سفر پر جانے کی خواہش ظاہر کردی۔
اے آر وائی زندگی کے پروگرام ’دی نائٹ شو ودھ ایاز سموں‘ میں اداکار اسامہ خان نے شرکت کی اور سیگمنٹ پاور پلے میں مختلف سوالات کے جوابات دیے۔
میزبان نے پوچھا کہ کس اداکارہ کے ساتھ چاند کے سفر پر جائیں گے؟ مایا علی، سجل علی یا پھر نیلم منیر؟
اسامہ خان نے کہا کہ مایا علی مجھے پسند ہیں اسی لیے ان کے ساتھ چاند کے سفر پر جانا چاہوں گا۔
اداکار نے فواد خان کو اپنا رول ماڈل قرار دیا اور انڈسٹری میں منہ پھٹ اداکارہ نادیہ افغن کو کہا اور ان کی تعریف بھی کی وہ ہر بات منہ پر کردیتی ہیں۔
انہوں نے کہا کہ مجھے کچھ باتیں کرنی ہوتی ہیں وہ ان کے ذریعے ہی کروا دیتا ہوں کہ آپ کردیں میں یہ نہیں کرسکتا۔
ایک سوال کے جواب میں اسامہ خان نے کہا کہ ’سارہ خان کے سامنے آنے پر انہیں دیکھتے ہی رہ جاتا ہوں، وہ بہت اچھی ہیں، جب میں نے انہیں پہلی بار دیکھا تو اندازہ ہوا کہ وہ بہت پیاری ہیں اور انسان بھی بہت اچھی ہیں بہت نرم لہجے میں بات کرتی ہیں۔
واضح رہے کہ اسامہ خان اے آر وائی ڈیجیٹل کے ڈرامہ سیریل ’تیرے عشق کے نام‘ میں التمش کا منفی کردار نبھا رہے ہیں دیگر کرداروں میں جمال شاہ، نادیہ افغن، حبا بخاری، زاویار نعمان ودیگر شامل ہیں۔
