The news is by your side.

Advertisement

پنجاب میں کرونا وائرس کے مریضوں کی تعداد 2280 ہوگئی

لاہور: صوبہ پنجاب میں کرونا وائرس کے مریضوں کی تعداد میں اضافہ ہوگیا، اب تک صوبے میں 2280 مریض سامنے آچکے ہیں۔

تفصیلات کے مطابق ترجمان محکمہ صحت پنجاب کا کہنا ہے کہ صوبے میں کرونا وائرس کے مزید 56 کیس رپورٹ ہوئے ہیں جس کے بعد مریضوں کی تعداد 2280 ہوگئی۔

ترجمان پرائمری اینڈ سیکنڈری ہیلتھ کئیر کےمطابق لاہور میں کرونا کے 363 کنفرم مریض ہیں،کرونا وائرس سے اب تک 18 اموات اور 39 افراد صحت یاب ہوچکے ہیں۔

محکمہ پرائمری ہیلتھ کے ترجمان کا کہنا ہے کہ پنجاب میں گزشتہ روز تک31535 ٹیسٹ کیے جاچکے ہیں۔

کرونا سے جاں بحق ہونے والے صحافی کو 10 لاکھ روپے ریلیف فنڈ دینے کا اعلان

دوسری جانب پنجاب حکومت نے صحافیوں اور میڈیا ہاؤسز کے لیے ریلیف پیکیج کا اعلان کیا ہے۔وزیر اطلاعات پنجاب فیاض الحسن چوہان کے مطابق کرونا سے جاں بحق ہونے والے صحافی کو 10 لاکھ جبکہ صحافی کی بیوہ کو تاحیات 10 ہزار ماہانہ پنشن دی جائے گی۔

ملک میں کرونا سے اموات 66 ہو گئیں، 4601 افراد متاثر

واضح رہے کہ پاکستان میں کرونا وائرس سے ہلاکتوں کی تعداد 66 ہوگئی جبکہ مزید نئے کیسز سامنے آنے کے بعد متاثرہ افراد کی مجموعی تعداد 4601 تک پہنچ گئی ہے۔

سرکاری اعداد وشمار کے مطابق گزشتہ 24 گھنٹوں میں مزید 4 افراد کرونا کے ہاتھوں زندگی کی بازی ہار گئے جبکہ 45 کی حالت تشویش ناک ہے۔ کرونا وائرس سے صحت یاب ہونے والے افراد کی تعداد 727 ہوگئی ہے۔

fb-share-icon0
Tweet 20

Comments

comments

یہ بھی پڑھیں