The news is by your side.

Advertisement

مسلم لیگ ن کے رہنما ذوالفقار کھوسہ پی ٹی آئی میں شامل ہوگئے

لاہور : پاکستان تحریک انصاف کے چیئرمین عمران خان نے ذوالفقار کھوسہ کے پی ٹی آئی میں شامل ہونے پر خوش آمدید کہتے ہوئے کہا ہے کہ 2018 کا الیکشن ملک کی تقدیر بدلے گا۔

تفصیلات کے مطابق پاکستان تحریک انصاف کے چیئرمین عمران خان شاہ محمود قریشی کے ہمراہ لاہور پہنچ گئے ہیں، جہاں وہ مسلم لیگ نواز کے رہنما ذوالفقار کھوسہ سے ان کی رہائش گاہ پر ملاقات کررہے ہیں.

چیئرمین پی ٹی آئی عمران خان نے میڈیا سے گفتگو کرتے ہوئے کہا ہے کہ ذوالفقار کھوسہ کو پاکستان تحریک انصاف میں شامل ہونے پر خوش آمدید کہتا ہوں، ذوالفقار کھوسہ کی عزت اور نا م ہے، ان کی شمولیت پر بہت خوش ہوں.

ذوالفقار کھوسہ نے میڈیا سے گفتگو کرتے ہوئے کہا ہے کہ مسلم لیگ اب صرف ن لیگ بن گئی ہے، مسلم لیگ سے جدا ہوا ہوں جب وہ عروج پر تھے، اقتدار میں آئے تو مشرف کے وزیر نوازشریف کے وزیر بن گئے.

مسلم لیگ ن کے سابق رہنما کا کہنا تھا کہ خان صاحب کی قیادت پر اعتماد کرکے پی ٹی آئی میں شمولیت کا فیصلہ کیا ہے.

عمران خان کا کہنا ہے کہ دنیا میں نگراں سیٹ اپ نہیں آتے، ادارے مضبوط ہوتے ہیں، جو نام دیا ،عوامی ردعمل سے وہ شخصیت متنازع بن گئی، تو کیا اسے انا بنا لیں کہ نام دے دیا ہے واپس نہیں ہوگا.

ان کا کہنا تھا کہ 2018 کا الیکشن ملک کی تقدیر بدلے گا، ہمارا مقصد صاف شفاف الیکشن سے ایماندار شخص کولانا ہے، ضروری ہے کہ الیکشن کے امپائر نیوٹرل ہوں، پچھلی بار الیکشن میں نگراں سیٹ اپ فیل ہوچکا تھا.

چیئرمین پی ٹی آئی کا کہنا تھا کہ میں پتہ چلا فاروق بندیال کئی سالوں سے ن لیگ میں تھے، ن لیگ کے اندر اخلاقیات کا معیار ایسا ہے وہ جب پی ٹی آئی میں آئے تو شورمچ گیا.


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں