اسلام آباد: وفاقی وزیر برائے سمندرپار پاکستانی ساجدحسین طوری نے کہا ہے کہ وزیرخارجہ کے غیرملکی دوروں کے ثمرات پاکستان کو مل رہے ہیں۔
ایک بیان میں ساجد طوری نے کہا کہ حکومت نے روزگار کیلئے 654240 پاکستانیوں کو بیرون ملک بھیجا جب کہ عمران خان دور میں 10 لاکھ سے زائد پاکستانی بیروزگار ہو کر وطن لوٹے تھے۔
ساجد طوری نے کہا کہ عمران خان کی غلط پالیسیوں کی وجہ سےپاکستان کوسخت نقصان پہنچا عمران خان نے پاکستان کو عالمی سطح پر تنہائی کا شکار کر دیا تھا۔
وفاقی وزیر کا کہنا تھا کہ وزیرخارجہ بلاول بھٹو کی بات دنیا سنتی ہے اور عزت دیتی ہے ذوالفقار بھٹو نے ہر پاکستانی کو پاسپورٹ بنوانےکا حق دیا آج دنیا بھر میں پاکستانی آباد ہیں تو یہ شہیدبھٹو کا کارنامہ ہے۔
Comments
- Advertisement -
